ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲԸՄ ԵԱ ՀԻՄՆԱԴՐՄԱՆ ԱՌԱՋԻՆ ՏԱՐԵԴԱՐՁԸ

 

Հիմնադրման առաջին տարեդարձի առթիվ ՀԲԸՄ ԵԱ Երևանի խումբը 2008 թվականի հունվարի 12-ին կազմակերպել էր տոնախմբություն` նշանավորելու իր գործունեության 1-ամյակը և շնորհավորելու իր անդամներին ու գործընկերներին Ամանորյա տոների և Սուրբ Ծննդյան կապակցությամբ: Ուրախ երաժշտության ներքո ընթացող միջոցառումն անցավ բարձր տրամադրության մթնոլորտում` հաճելի պահեր նվիրելով թվով մոտ 90 մասնակիցներին: Բազմաթիվ նվերներն ու անակնկալները հանդիսության անբաժանելի մասն էին: Միաժամանակ, միջոցառման ժամանակ ՀԲԸՄ ԵԱ Երևանի խումբը համալրվեց նոր անդամներով` վերջիններիս թիվը հասցնելով ութսունի:

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ԵԱ ՀԻՄՆԱԴՐՄԱՆ ԱՌԱՋԻՆ ՏԱՐԵԴԱՐՁԸ

Շնորհակալություն բաժանորդագրվելու համար: