ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ԴՐ. ԴՈՆԱԼԴ ՖՈՒԼԵՐԻ ՀԱՆԴԻՊՈՒՄԸ ՀԲԸՄ ԵԱ ԵՐԵՎԱՆՅԱՆ ԽՄԲԻ ՀԵՏ

Հուլիսի 22-ին, Հայաստանի Ամերիկյան Համալսարանի պատվավոր պրոֆեսոր Դր. Դոնալդ Ֆուլերը Հայաստանի և Եվրոմիության հարաբերությունների մասին դասախոսությամբ հանդես եկավ Երիտասարդ Արհեստավարժների Երևանյան խմբի առջև: “Հայաստանը և Եվրոմիությունը” վերնագրով դասախոսությունն անդրադառնում էր ԵՄ այսօրվա վարած քաղաքականությանը Հայաստանի մասնակցությանը և հետագայում նաև հնարավոր անդամակցությանը: Խոսվեց նաև Հայաստանի ներկա քաղաքական, տնտեսական և սոցիալական իրավիճակի, և ԵՄ անդամակցության ճանապարհին նրա ունեցած առավելությունների և թերությունների մասին: ԴՈՆԱԼԴ Է. ՖՈՒԼԵՐ. ՀԱՀ պատվավոր պրոֆեսոր, Ավագ դասախոս Պրագայի Անգլո-Ամերիկյան Համալսարանում, Չեխիա: Դր. Ֆուլերի գիտական աշխատության թեման Կենրոնական և արևելյան Եվրոպայի քաղաքական և քաղաքականության վերլուծություններն են: Նրա ամենավերջին գիտական ուսումնասիրություններն են` “Democracy and Democracy Promotion: World Tendencies and Regional Experiences,” in Sergi, B.S. and Batelas, W.T. (eds), Economic and Political Development Ethics and Beyond (Bratislava: IURA Edition, Spol.s.r.o., 2007) “Policy Implications for Visegrad Four Countries in Potential Policy Spaces Deriving from Demographic Change as a ‘Systemic’ Variable,” presented to the 16th Annual Conference of the Network of Institutes and Schools of Public Administration in Central and Eastern Europe, Bratislava, Slovakia, May 125-17, 2008. Հանդիպումը կազմակերպել էր ՀԲԸՄ Հայաստանի ներկայացուցչության աշխատակից Հասմիկ Խալափանը:

 
Դուք այստեղ եք՝ Home ԵԱ ԵՐԵՎԱՆ ԴՐ. ԴՈՆԱԼԴ ՖՈՒԼԵՐԻ ՀԱՆԴԻՊՈՒՄԸ ՀԲԸՄ ԵԱ ԵՐԵՎԱՆՅԱՆ ԽՄԲԻ ՀԵՏ

Շնորհակալություն բաժանորդագրվելու համար: