ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲԸՄ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻ ԵՐԵՎԱՆՅԱՆ ԽՄԲԻ ԵՎ ՀԱՅԱՍՏԱՆԻ ՖՈՒԼԵՐ ԸՆԿԵՐՈՒԹՅԱՆ ՀԱՄԱՏԵՂ ԾՐԱԳԻՐԸ ԿԱՐԱՊԵՏՅԱՆՆԵՐԻ ԸՆՏԱՆԻՔԻ ՏՈՒՆ ՈՒՆԵՆԱԼՈՒ ԵՐԱԶԱՆՔՆ ԻՐԱԿԱՆԱՑԱՎ

 

Նոյեմբերի 14-ին, Հայկական Բարեգործական Ընդհանուր Միության Երիտասարդ Արհեստավարժների Երևանյան խմբի 24 անդամներ “Ֆուլեր” կենտրոնի աշխատակիցների հետ միասին մեկնեցին Գեղարդ համայնք օգնելու Կարապետյանների ընտանիքին և ավարտին հասցնելու նրանց կիսակառույց տունը: Վեց հոգուց բաղկացած ընտանիքը շուտով կտոնի իր բնակարանամուտը: “Հայաստանի Ֆուլեր տնաշինական կենտրոնի”, “Թուֆենկյան”, “Հայ Ձմեռ Պապ” բարեգործական հիմնադրամների և “Վիվասելի” աջակցությամբ Կոտայքի մարզի Գեղարդ համայնքում բնակվող Կարապետյանների ընտանիքի համար գնվել էր տնամերձ հողատարածք: Այդ հողատարածքի վրա Կարապետյանները սկսել են կառուցել վաղուց երազած տունը: Տարիներ շարունակ Սենիկ կարապետյանն իր կնոջ և 4 երեխաների հետ բնակվում է Գեղարդ գյուղի կիսախարկուլ տնակներից մեկում, որը ժամանակին իրենց հատկացրել է գյուղապետարանը: “Ընդամենը ունեցել եմ էս մի տնակը, այն էլ` գյուղապետարանն էր հատկացրել: Ձմռան ցրտին ջուրը կատում էր ներս ու սառում: Մեր ամենամեծ երազանքը եղել է մեր տունն ունենալը”, ասաց Սենիկ Կարապետյանը: Մի շարք կազմակերպություններ, տեղեկանալով ընտանիքի սոցիալական վիճակի մասին, համատեղել են ուժերը և օգնելու նպատակով երկարաժամկետ անտոկոս փոխառություն տրամադրել ընտանիքին: Սկզբում գնվել է հովատարածքը, հետո սկսել են կառուցել տունը: Շինարարությունն ավարտին հասցնելու համար նորից միջամտել են նախաձեռնող կազմակերպություններն ու ՀԲԸՄ ԵԱ կամավորները: Տան շինարարությանը ակտիվորեն մասնակցում է նաև Կարապետյանների ավագ որդին, որն այժմ ծառայում է հայոց բանակում: Ընտանիքը փորձում է շինարարություն ավարտել նախքան որդու բանակից տուն վերադառնալը: 2000 թվականից ի վեր Ֆուլեր ընկերությունն աջակցել է ավելի քան 500 ընտանիքների: Արդեն երրորդ տարին է ՀԲԸՄ-ն համագործակցում է Ֆուլեր կենտրոնի հետ և կառուցում տներ Հայաստանի տարբեր շրջաններում:

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻ ԵՐԵՎԱՆՅԱՆ ԽՄԲԻ ԵՎ ՀԱՅԱՍՏԱՆԻ ՖՈՒԼԵՐ ԸՆԿԵՐՈՒԹՅԱՆ ՀԱՄԱՏԵՂ ԾՐԱԳԻՐԸ ԿԱՐԱՊԵՏՅԱՆՆԵՐԻ ԸՆՏԱՆԻՔԻ ՏՈՒՆ ՈՒՆԵՆԱԼՈՒ ԵՐԱԶԱՆՔՆ ԻՐԱԿԱՆԱՑԱՎ

Շնորհակալություն բաժանորդագրվելու համար: