ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲ ԸՄ ԵՐԵՎԱՆԻ ԵԱ-ՆԵՐԻ ԵՎ ՀԱՅ ԲԼՈԳԵՐՆԵՐԻ ՀԱՄԱՏԵՂ ԾՐԱԳԻՐԸ

2010թ. աշնանը մեկնարկեց ՀԲԸՄ երիտասարդ արհեստավարժների Երևանյան թիմի և hայ բլոգերների համատեղ ծրագիրը, որի նպատակն է գրականությամբ ապահովել Արցախի դպրոցներն ու գրադարանները: Ծրագրի առաջին փուլը հաջողությամբ իրականացվեց ԼՂ Քարվաճառ քաղաքի գրադարանում և Նոր Վերին Շեն և Եղեգնուտ գյուղերի դպրոցներում, որտեղ սովորում են մոտ 100 աշակերտ: Նախապես հայտարարված գրքահավաքի և դրամահավաքի արդյունքում հավաքվեց ավելի քան 1300 անուն գիրք և 300,000 ՀՀ դրամ: Հանգանակված գումարով գնվեցին հանրագիտարաններ, հայ դասականների հատորյակներ, պատմական գրականություն, քարտեզներ, սպորտային իրեր: Ծրագիրը մեծ խանդավառությամբ ընդունվեց դպրոցների սաների, ուսուցիչների և տնօրինության կողմից: Սա ՀԲԸՄ ԵԱ-ների առաջին համագործակցությունն էր հայ բլոգերների հետ, որոնք նախկինում մի քանի անգամ արդեն իրականացրել էին նմանատիպ ծրագրեր Արցախի այլ դպրոցներում: Ծրագիրը շարունակական բնույթ է կրում. հաջորդը Արցախի Նոր Գետաշենի դպրոցն է:

 
Դուք այստեղ եք՝ Home ԵԱ ԵՐԵՎԱՆ ՀԲ ԸՄ ԵՐԵՎԱՆԻ ԵԱ-ՆԵՐԻ ԵՎ ՀԱՅ ԲԼՈԳԵՐՆԵՐԻ ՀԱՄԱՏԵՂ ԾՐԱԳԻՐԸ

Շնորհակալություն բաժանորդագրվելու համար: