ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲԸՄ ՍԿԱՈՒՏՆԵՐԻ ԵՎ ԵԱ-ՆԵՐԻ ԵՐԵՎԱՆՅԱՆ ԽՄԲԵՐԸ ՄԱՍՆԱԿՑԵՑԻՆ ՁԻԱՍՊՈՐՏԻ ՊԱՏԱՆԵԿԱՆ ԲԱՐԵԳՈՐԾԱԿԱՆ ՄՐՑԱՇԱՐԻՆ

Հունիսի 1-ին, երեխաների պաշտպանության միջազգային օրվա կապակցությամբ, Երևանի Հովիկ Հայրապետյանի անվան ձիասպորտի կենտրոնում անցկացվեց պատանեկան բարեգործական մրցաշար, որը կազմակերպել էին Հայաստանի ձիասպորտի ֆեդերացիան` նախագահ Հայրապետ Հայրապետյանի գլխավորությամμ, և Հայկական Բարեգործական Ընդհանուր Միության Երիտասարդ Արհեստավարժների Երևանյան թիմը: Մրցաշարին մասնակցում էին 12 պատանիներ ձիասպորտի 6 ակումμներից, որոնք երկու մրցափուլով պայքարեցին մրցաշարի հաղթողի տիտղոսի համար: Մրցաշարի հաղթող ճանաչվեց "Մուլտի Գրուպ" ակումբը ներկայացնող Գեորգի Ղազարյանն իր Ատենի նժույգով: 2-րդ տեղում էր Ձիասպորտի կենտրոնը ներկայացնող Դավիթ Խառատյանը` Քովբոյ նժույգով, և լավագույն եռյակը եզրափակեց "Սիլ" ակումբը ներկայացնող Տարոն Պետրոսյանը` Միրաժ նժույգով: Միջոցառմանը ներկա էին ՀԲԸՄ սկաուտական և Երիտասարդ արհեստավարժների Երևանյան խմբերի անդամները: ՀԲԸՄ Երևանի սկաուտական խմբի ընդհանուր խմբապետ Գևորգ Սիմոնյանը նշեց, "Այսպիսի մրցաշարերը շատ կարևոր են: Մենք արդեն 3 տարի է գործում ենք Երևանում և զբաղվում բարեգործական ծրագրերով, սակայն առաջին անգամ է, որ համագործակցում ենք սպորտի, հատկապես ձիասպորտի հետ: Եկել ենք մեծ խմբով` աջակցելու ՀԲԸՄ-ն ներկայացնող պատանի մարզիկներին": Մրցաշարից գոյացած ողջ հասույթն ուղղվելու է ՀԲԸՄ ԵԱ Երևանի թիմի մանկական ծրագրերի իրականացմանը:

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ՍԿԱՈՒՏՆԵՐԻ ԵՎ ԵԱ-ՆԵՐԻ ԵՐԵՎԱՆՅԱՆ ԽՄԲԵՐԸ ՄԱՍՆԱԿՑԵՑԻՆ ՁԻԱՍՊՈՐՏԻ ՊԱՏԱՆԵԿԱՆ ԲԱՐԵԳՈՐԾԱԿԱՆ ՄՐՑԱՇԱՐԻՆ

Շնորհակալություն բաժանորդագրվելու համար: