ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲԸՄ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐՆ ՕԳՆՈՒՄ ԵՆ ՀԱՅԱՍՏԱՆԻ ԱՄԵՐԻԿՅԱՆ ՀԱՄԱԼՍԱՐԱՆԻՆ

2001թ. ի վեր ՀԲԸՄ Երիտասարդ Արհեստավարժների (ԵԱ) աշխարհասփյուռ խմբերն իրենց ֆինանսական աջակցությունն են բերել Հայաստանի Ամերիկյան Համալսարանին (ՀԱՀ)` անցած 10 տարիների ընթացքում ընդհանուր առմամբ հանգանակելով ավելի քան 29,000 ԱՄՆ դոլար: ՀԲԸՄ ԵԱ խմբերի կողմից հանգանակված գումարները տարիների ընթացքում օգտագործվել են տարբեր նպատակներով, այդ թվում ՀԱՀ-ի` ACM թվային գրադարանին վճարվող տարեկան անդամավճարի ծախսերը հոգալու, ուսանողներին կրթաթոշակ տրամադրելու և այլ նպատակներով: ՀԱՀ-ն պատրաստում է առաջատար մասնագետներ, որոնք ապագայում իրենց ներդրումը պիտի ունենան Հայաստանի սոցիալ-տնտեսական զարգացման բնա-գավառում և ՀԲԸՄ ԵԱ-ները հավատացած են, որ կրթության ոլորտում իրենց ներդրումները հայրենիքին օգտակար լինելու լավագույն ձևերից են: Աջակցելով այսօրվա ուսանողին` նրանք աջակցում են վաղվա Հայաստանին: Այս գործին իրենց ակտիվ մասնակցությունն են բերել ՀԲԸՄ ԵԱ խմբեր և համագործակցող կազմա-կերպություններ տարբեր քաղաքներից` այդ թվում Բոստոնի, Նյու Յորքի, Լոս Անջելոսի, Հյուսիսային Կալիֆորնիայի և Մոնրեալի ՀԲԸՄ ԵԱ խմբերը և “Հայք” կազմակերպությունը Ֆրանկֆուրտից: Մեկ տասնամյակ անց, շարունակելով իրենց ամենամյա ավանդական դրամահավաքը, Հյուսիսային Ամերիկայի և Եվրոպայի մի շարք ՀԲԸՄ ԵԱ խմբեր վերջերս հանգանակեցին 2,200 ԱՄՆ դոլար ՀԱՀ-ի անդամակցությունը ACM թվային գրադարանին ևս մեկ տարով երկարաձգելու նպատակով:

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐՆ ՕԳՆՈՒՄ ԵՆ ՀԱՅԱՍՏԱՆԻ ԱՄԵՐԻԿՅԱՆ ՀԱՄԱԼՍԱՐԱՆԻՆ

Շնորհակալություն բաժանորդագրվելու համար: