ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲԸՄ ԵՐԵՎԱՆԻ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻ ԹԻՄՆ ԱՋԱԿՑՈՒՄ Է ԲԱԹՈՒՄԻԻ ՀԱՅԿԱԿԱՆ ԴՊՐՈՑԻՆ

Հայաստանի գյուղական համայնքներին աջակցելուց բացի ՀԲԸՄ Երիտասարդ արհեստավարժներն իրենց օգնության ձեռքն են մեկնում նաև սփյուռքի հայկական համայնքներին: Մայիսի 2-ը, Բաթումիի թիվ 29 հայկական դպրոցի աշակերտների համար տոն էր. Հայկական Բարեգործական Ընդհանուր Միության Երիտասարդ արհեստավարժների Երևանյան թիմը դպրոցի աշակերտների համար 200 անուն գիրք և դասագիրք էր հավաքել և հասցրել դպրոց: Ուղարկված գրքերն ընդգրկված են դպրոցի ուսումնական ծրագրում և վստահաբար մեծ պահանջարկ ունեն դպրոցականների շրջանում: Բաթումիի թիվ 29 դպրոցում սովորում է 27 աշակերտ, քաղաքի հայ համայնքում բնակվող 60 աշակերտի փոխարեն: Վերջերս դպրոցը տեղափոխվել է քաղաքի ծայրամաս և փոխադրամիջոց չունենալու պատճառով ոչ բոլորն են կարողանում հասնել այնտեղ և նախընտրում են իրենց երեխաներին ուղարկել ավելի մոտ գտնվող ռուսական կամ վրացական դպրոցներ: Բաթումի հայկական միակ եկեղեցում կա նաև կիրակնօրյա դպրոց, որն ունի 3 դասարան: Այս դպրոցում տարիքային սահմանափակում չկա և այստեղ կարող են հաճախել բոլոր տարիքի, հայերեն գրել և կարդալ սովորել ցանկացող մարդիկ: Դպրոցի այս տարվա շրջանավարտներից 3-ը նպատակ ունեն վերադառնալ Հայաստան և շարունակել իրենց ուսումը Հայաստանում:

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ԵՐԵՎԱՆԻ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻ ԹԻՄՆ ԱՋԱԿՑՈՒՄ Է ԲԱԹՈՒՄԻԻ ՀԱՅԿԱԿԱՆ ԴՊՐՈՑԻՆ

Շնորհակալություն բաժանորդագրվելու համար: