ՀԲԸՄ-ի «Բացահայտի՛ր Հայաստանը» երիտասարդական ծրագիրը 15-18 տարեկան սփյուռքահայ երիտասարդներին հրավիրում է վերամիավորվելու իրենց նախնյաց հայրենիքի հետ:

Ծրագրի շրջանակներում մասնակիցներն այցելում են տարբեր պատմական վայրեր և թանգարաններ, ներառյալ` Սբ. Էջմիածին, Ծիծեռնակաբերդ, Սար-դարապատ, Գառնի, Գեղարդ, Օշական, Սևան, Նորավանք, ինչպես նաև ծանոթա-նում ՀԲԸՄ-ի Հայաստանում իրականացրած տարբեր ծրագրերին: Երիտասարդները մասնակցում են նաև տարբեր կամավորական ծրագրերի` ավելի լավ հասկանալու և գնահատելու համար համայնքային կյանքը: Նմանատիպ ծրագրերից էին Խոր Վիրապ գյուղի չքավոր մի ընտանիքի տան վերանորոգման աշխատանքները` Fuller կազմակերպության հետ և Խոսրովի արգելանոցի շրջակա տարածքի մաքրման աշխատանքները` World Wildlife Fund-ի հետ համատեղ։ Խումբն այցելում է նաև Արցախ։