ՀԲԸՄ-Ն ԲԱՑԱՀԱՅՏՈՒՄ Է ՏԱՂԱՆԴՆԵՐ

ՈՒՇԱԴՐՈՒԹՅՈՒՆ ԵՐԱԺԻՇՏՆԵՐԻՆ!

ՀԲԸՄ Ֆրանսիան հայտարարում է երաժշտական մրցույթ Հայաստանում բնակվող, երաժշտական հաստատություններում սովորող և ջութակ, ալտ, թավջութակ և կոնտրաբաս երաժշտական գործիքներին տիրապետող երեխաների և երիտասարդների համար:

Մրցույթը կկայանա չորս տարիքային խմբերում.

✅ Խումբ I: մինչև10 տարիքային խումբ

✅ Խումբ II: 11-15 տարիքային խումբ

✅ Խումբ III: 16-20 տարիքային խումբ

✅ Խումբ IV: 21-25 տարիքային խումբ

Թեկնածուն պետք է նախապես պատրաստած լինի երկու տարբեր երաժշտական ոճերի նյութեր:

Համարների տևողությունը կախված է դիմորդի տարիքային խմբից.

✅ Կատեգորիա 1. Առավելագույնը 5 րոպե

✅ Կատեգորիա 2. Առավելագույնը 7 րոպե

✅ Կատեգորիա 3. Առավելագույնը 10 րոպե

✅ Կատեգորիա 4. Առավելագույնը 15 րոպե 

Ժյուրիի կազմ.

✅ Էդուարդ Թոփչյան, Հայաստանի ազգային ֆիլարմոնիկ նվագախմբի գեղարվեստական ղեկավար

✅ Նադիա Գործունյան, ՀԲԸՄ Ֆրանսիայի նախագահ

✅ Սևակ Ավանեսյան, Երաժիշտների ասոցիացիայի հիմնադիր

✅ Կարմեն Թոսունյան, Հայաստանի ազգային ֆիլհարմոնիկ նվագախմբի գլխավոր կոնցերտմաստեր

✅ Հրաչյա Ավանեսյան, ջութակահար

✅ Քրիստիան Էրբսլահ-Փափազյան, ՀԲԸՄ Ֆրանսիայի Կատարողական արվեստի բաժնի տնօրեն

✅ Անդրեյ Գրիդչուկ, Բեռլինի օպերայի գլխավոր ալտահար

✅ Արամ Թալալյան, թավջութակահար և դիրիժոր

✅ Ուրսուլա ֆոն Լերբեր, դաշնակահար, Սիբելիուսի ակադեմիա, Փարիզի կոնսերվատորիա, Բլումինգթոնի ակադեմիա

✅ Լիլիթ Քուրդյան, Ջուլիարդ երաժշտական ակադեմիա

Ժյուրիի նախագահն է ՀԲԸՄ Ֆրանսիայի Կատարողական արվեստի բաժնի տնօրենը, իսկ պատվո նախագահն է Հայաստանի ազգային ֆիլարմոնիկ նվագախմբի գեղարվեստական ղեկավարը:

Լսումները տեղի կունենան հոկտեմբերի 17-ին և 18-ին:
Գլխավոր մրցանակ` յուրաքանչյուր տարիքային խմբի համար 75-ից 200 ԱՄՆ դոլար:
Հատուկ մրցանակ՝ հնարավորություն որպես մենակատար հանդես գալու Հայաստանի ազգային ֆիլհարմոնիկ նվագախմբի հետ ս. թ. նոյեմբերի 22-ին:
Նախագծի շրջանակներում կանցկացվի նաև Գործիքների ժամանակավոր տրամադրման մրցույթ (ջութակ, թավջութակ), որը տեղի կունենա ս.թ. հոկտեմբերի 19-ին:

Մրցանակաբաշխությունը կկայանա ս.թ. հոկտեմբերի 19-ին, 20:00-ին:
Բոլոր միջոցառումները կանցկացվեն ՀԲԸՄ Հայաստանի դահլիճում, (Մելիք-Ադամյան փ. 2/2)

Դիմե՛ք մինչև ս.թ. հոկտեմբերի 13-ը հետևյալ հղումով. https://bit.ly/2lZBd3F

Հավելյալ տեղեկությունների համար զանգահարե՛ք 060 72 22 22:

Մրցույթների մասին ավելին ստորև`
Երաժշտական մրցույթ
Գործիքների ժամանակավոր տրամադրման մրցույթ

 

 
Դուք այստեղ եք՝ Home Արխիվ 2019 Նորություններ ՀԲԸՄ-Ն ԲԱՑԱՀԱՅՏՈՒՄ Է ՏԱՂԱՆԴՆԵՐ

Շնորհակալություն բաժանորդագրվելու համար: