ՀԲԸՄ Կանանց հզորացման նախաձեռնությունը միտված է կանանց ձեռնարկատիրական գիտելիքների և հմտությունների զարգացմանը՝ նպաստելով Հայաստանի և Արցախի սոցիալ-տնտեսական աճին: Ծրագրի մասնակիցները կազմակերպվող դասընթացների և շարունակական խորհրդատվության, ինչպես նաև տրամադրվող փոքր դրամաշնորհների միջոցով հնարավորություն են ստանում կյանքի կոչել իրենց բիզնես գաղափարները, ընդլայնել արդեն իսկ գործող բիզնեսը, ինչպես նաև նպաստել սեփական համայնքի զարգացման և կայացման գործընթացին:

Առաքելություն և տեսլական. ՀԲԸՄ-ն հավատացած է, որ միայն կանանց կարողությունների ամրապնդման և նրանց դերակատարության արժևորման պարագայում հայաստանյան հասարակությունը կկարողանա առաջ ընթանալ և բարգավաճել: Տնտեսական ինքնուրույնությունը կօգնի կանանց կատարելագործել սեփական կյանքին վերաբերող հարցերում ճշգրիտ որոշումներ կայացնելու կարողությունը՝ զանազան ասպարեզներում լիարժեք և հավասար մասնակցության միջոցով:

 


 

«ՀԲԸՄ ԿԻՆ ՁԵՌՆԵՐԵՑՆԵՐ» ԾՐԱԳԻՐՆ ՀԱՅՏԱՐԱՐՈՒՄ Է ՀԵՐԹԱԿԱՆ ԽՄԲԻ ՀԱՎԱՔԱԳՐՈՒՄԸ

 

 

ՀԲԸՄ Հայաստանը սիրով հրավիրում է մասնակցելու «Կանանց հզորացման» նախագծի շրջանակներում իրականացվող «ՀԲԸՄ կին ձեռներեցներ» ծրագրին։ Ծրագրի մասնակիցները հնարավորություն են ստանում կյանքի կոչել իրենց բիզնես գաղափարները կամ ընդլայնել արդեն իսկ գործող բիզնեսը: ՀԲԸՄ-ն հավատացած է, որ կանանց կարողություններն ամրապնդելով և նրանց դերակատարությունն արժևորելով հայաստանյան հասարակությունը կարող է առաջ ընթանալ և բարգավաճել: 

«ՀԲԸՄ կին ձեռներեցներ» ծրագիրն ունի 4 փուլ.

-  Կրթություն ձեռնարկատիրության ոլորտում

Տասներկուշաբաթյա առցանց դասընթացը նպաստում է կանանց ձեռնարկատիրական գիտելիքների և հմտությունների ավելացմանը, ծանոթացնում է ֆինանսների և ձեռնարկատիրության այն հիմնադրույթներին, որոնք անհրաժեշտ են բիզնեսի շահութաբերությունը և կայունությունն ապահովելու համար, օգնում է ձեռք բերել տարբերվող մտածելակերպ, բացահայտել նորարար ռազմավարություն բիզնես հաջողությամբ զարգացնելու համար: Դասընթացը մշակված է Հայաստանի ամերիկյան համալսարանի շարունակական կրթության բաժնի հետ համատեղ։

-  Դրամաշնորհներ

Դրամաշնորհի փուլ անցած մասնակիցները դիմում են մինչև 1 600 000 ՀՀ դրամի չափով դրամաշնորհի: Ընտրությունը կատարվում է առաջադիմության, բիզնեսի հետագա զարգացման հնարավորությունների, կայունության, ներկայացման հմտություների և այլ չափանիշների հիման վրա։

-  Ուղղորդման փուլ

Անկախ դրամաշնորհի փուլ անցնելու հանգամանքից և դրամաշնորհի փուլի արդյունքներից, դասընթացի բոլոր մասնակիցները օգտվում են մեկ տարի տևողությամբ աջակցությունից, որն իր մեջ ներառում է ուսուցում և մենթորություն, բիզնես խորհրդատվություն, մասնագիտական և բիզնեսի զարգացման համար արժեքավոր կապեր հաստատելու հնարավորություններ։

Ծրագրին կարող են դիմել Հայաստանի և Արցախի կանայք, ովքեր՝

- ունեն ՀՀ քաղաքացիություն կամ Հայաստանում մշտական կացության կարգավիճակ,

- 18 և բարձր տարիքի են,

- ունեն գործող սեփական բիզնես (պարտադիր 1.5 -3 տարի),

- ցանկանում են իրենց բիզնեսի միջոցով ներդրում ունենալ սեփական համայնքներում,

- պատրաստ են իրենց բիզնես հմտությունները զարգացնելու համար մասնակցել 12-շաբաթյա առցանց վերապատրաստման ամբողջական դասընթացին,

- պատրաստ են մասնակցել մեկ տարի տևողությամբ Ուղղորդման փուլին,

- պատրաստ են կատարել առաջադրանքները սահմանված վերջնաժամկետներում,

- պատրաստ են ծանրաբեռնված աշխատանքային շաբաթներ ունենալ։

Չեն կարող դիմել.

- հասարակական կազմակերպությունները,

- բիզնես դասընթացավարները,

- կանայք, ում բիզնեսները գործում են 1.5 տարուց պակաս,

- նույն անձինք տարբեր բիզնես ծրագրերով,

- տարբեր անձինք նույն բիզնես ծրագրով:

Դիմելու ընթացակարգը.

- Դասընթացները տեղի են ունենում առցանց՝ յուրաքանչյուր շաբաթ օր` 10:00-16:00 (ներառյալ մեկժամյա ընդմիջումը)

- Դասընթացի լեզուն հայերենն է

- Դիմումներն անհրաժեշտ է լրացնել հայերեն և հայատառ

- Այլ լեզուներով կամ այլ տառերով (օրինակ՝ կյուրեղագիր (кириллица) և/կամ լատինատառ) լրացրած դիմումները չեն դիտարկվում

- Դիտարկվում են միայն լիարժեք լրացված դիմումները (թերի հայտերը չեն դիտարվում)

- Լրացրել դիմում-հայտն այստեղ:

Ժամանակացույց.

- Դիմումների ընդունման վերջնաժամկետ՝ հուլիսի 12, ժամը՝ 17։00

- Հարցազրույցի փուլ անցած մասնակիցների տեղեկացում՝ հուլիսի 21-24, 2020թ.

- Հարցազրույցի փուլ՝ հուլիսի 27-օգոստոսի 12, 2020թ.

- Գործնական փուլ անցած մասնակիցների տեղեկացում՝ օգոստոսի 14-18, 2020թ.

- Գործնական փուլ՝ օգոստոսի 19-31, 2020թ.

- Դասընթացի փուլ անցած մասնակիցների տեղեկացում՝ սեպտեմբերի 01-04, 2020թ.

- Դասընթացի փուլի սկիզբ՝ սեպտեմբերի 12, 2020թ.

- Դասընթացի փուլի ավարտ՝ նոյեմբերի 28, 2020թ.

Հետադարձ կապ՝  Այս էլ. փոստի հասցեն պաշտպանված է սպամ-բոթերից: Այն տեսնելու համար անհրաժեշտ է միացնել JavaScript |+374 60 722 234,  +374 60 722 237:

 
Դուք այստեղ եք՝ Home ԿԱՆԱՆՑ ՀԶՈՐԱՑՄԱՆ ՆԱԽԱԳԻԾ «ՀԲԸՄ ԿԻՆ ՁԵՌՆԵՐԵՑՆԵՐ» ԾՐԱԳԻՐՆ ՀԱՅՏԱՐԱՐՈՒՄ Է ՀԵՐԹԱԿԱՆ ԽՄԲԻ ՀԱՎԱՔԱԳՐՈՒՄԸ

Շնորհակալություն բաժանորդագրվելու համար: