ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՖՐԱՆՍԻԱԿԱՆ ԴԱՍԱԿԱՆ ԿԻՆՈ

ՀԲԸՄ Հայաստանը և Հայկական Ալիանս Ֆրանսեզը սիրով հրավիրում են Ժան Լյուկ Գոդարի Le mépris («Արհամարհանք») ֆիլմի ցուցադրությանը՝ նվիրված Ժան-Լյուկ Գոդարի ծննդյան 87-րդ ամյակին և ֆիլմի ֆրանսիական էկրան բարձրանալու 54-րդ տարեդարձին :

Ժան Լյուկ Գոդար - Ֆրանսիա / Իտալիա - 1963 - 110 ր
Դերերում՝ Բրիջիտ Բարդո, Միշել Միկոլի, Ֆրից Լանգ

Չորեքշաբթի, դեկտեմբերի 6, ժամը՝ 19:00
ՀԲԸՄ Հայաստանի դահլիճ (2/2 Մելիք-Ադամյան փ.)

Մուտքն ազատ է:

«ԳԻՐՔ ՀԱՅՐԵՆԻՔԸ. ՈՍԿԱՆ ԵՐԵՎԱՆՑԻ» ՖԻԼՄԻ ԱՆԳԼԵՐԵՆ ՏԱՐԲԵՐԱԿԻ ՀԱՅԱՍՏԱՆՅԱՆ ՊՐԵՄԻԵՐԱՆ

ՀԲԸՄ Հայաստանը սիրով հրավիրում է «Գիրք հայրենիքը. Ոսկան Երևանցի» ֆիլմի անգլերեն տարբերակի հայաստանյան պրեմիերային: Ոսկան Երևանցին 1640-1666թթ. առաջին հայ տպագրիչներից է:, ով 1668 թ. Ամստերդամում տպագրել է հայերեն Աստվածաշունչ մատյանը: Ֆիլմի անգլերեն կրկնօրինակումը ֆինանսավորվել է ՀԲԸՄ Լոնդոնի կողմից:

Ֆիլմի ցուցադրությանը պատիվ կունենանք հյուրընկալելու Վրաստանում և Հայաստանում Նիդեռլանդների թագավորության արտակարգ և լիազոր դեսպան Յոս Դաումանին: Միջոցառմանը ներկա կլինեն ֆիլմի ռեժիսոր Հակոբ Փափազյանը, պրոդյուսեր Նվեր Մնացականյանը, սցենարի հեղինակ Վահրամ Մարտիրոսյանը և ՀԲԸՄ Լոնդոնի մասնաճյուղի ատենապետ, Լոնդոնի Կոմիտաս ինստիտուտի հիմնադիր նախագահ Արա Սարաֆյանը:

Երեքշաբթի, դեկտեմբերի 5, ժամը՝ 19:00
ՀԲԸՄ Հայաստանի դահլիճ (Մելիք-Ադամյան 2/2)

«ԱԿՆԹԱՐԹ» ՖՈՏՈՑՈՒՑԱՀԱՆԴԵՍ

ՀԲԸՄ Ցուցասրահում տեղի կունենա «Ակնթարթ» ֆոտոցուցահանդեսի բացման արարողությունը` նվիրված «ՖՈՏՈԼՈՒՐ» լրատվական գործակալության գործունեության 15-ամյակին:

Ցուցահանդեսը` լուսանկարների յուրահատուկ հավաքածու է, որտեղ տեղ են գտել վերջին 15 տարիների ընթացքում տեղի ունեցած ամենանշանակալից` մշակութային, քաղաքական, սպորտային և մի շարք այլ իրադարձություններ, որոնց ամենակարևոր ակնթարթները չեն վրիպել «ՖՈՏՈԼՈՒՐԻ» լուսանկարիչների աչքից:

Ուրբաթ, դեկտեմբեր 1, 19:00
ՀԲԸՄ Հայաստանի Ցուցասրահ (2/2 Մելիք-Ադամյան փ.)

«ՄԱՇՏՈՑ-ԿՈՄԻՏԱՍ». ՇՆՈՐՀԱՆԴԵՍԻՑ՝ ՆԱԽԱԳԾԻ ԻՐԱԿԱՆԱՑՈՒՄ

Սիրով հրավիրում ենք Ձեզ ներկա գտնվելու Վահան Արծրունու «ՄԱՇՏՈՑ-ԿՈՄԻՏԱՍ». ՇՆՈՐՀԱՆԴԵՍԻՑ՝ ՆԱԽԱԳԾԻ ԻՐԱԿԱՆԱՑՈՒՄ հանդիպում-բրիֆինգին՝ մասնակցությամբ նախագծի հեղինակ կոմպոզիտոր և կատարող Վահան Արծրունու և ստեղծագործական, կազմակերպչական թիմերի ներկայացուցիչների հետ, որոնք կներկայացնեն մանրամասներ նախագծի իրականացման, գրական-երաժշտական լուծունմերի, գաղափարի, պատմական հիմքերի և կատարողական կազմի մասին:

Հյուրերը սիրով կպատասխանեն նաև ներկաների հարցերին:

Մուտքն ազատ է:

Հինգշաբթի, նոյեմբեր 30, 15:00
ՀԲԸՄ Հայաստանի դահլիճ (2/2 Մելիք-Ադամյան փ.)

ՋԱԶ ԵՐԵԿՈ՝ ՀԱՅԱՍՏԱՆԻ ՊԵՏԱԿԱՆ ՋԱԶ-ՆՎԱԳԱԽՈՒՄԲ

ՀԱՅԱՍՏԱՆԻ ՊԵՏԱԿԱՆ ՋԱԶ-ՆՎԱԳԱԽՈՒՄԲ
գեղարվեստական ղեկավար և դիրիժոր՝ Արմեն Հյուսնունց

ՀԲԸՄ Հայաստանը կհյուրընկալի ջազ երեկո՝ առաջին անգամ Հայաստանի պետական ջազ նվագախմբի և Արմեն Հյուսնունցի մասնակցությամբ:

Սիրով սպասում ենք բոլոր գրանցված հյուրերին:

Չորեքշաբթի, նոյեմբերի 29-ին, ժամը 19:30
ՀԲԸՄ Հայաստանի դահլիճ (Մելիք-Ադամյան 2/2)

 
Դուք այստեղ եք՝ Home ԵԱ ԵՐԵՎԱՆ Content

Շնորհակալություն բաժանորդագրվելու համար: