ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՆՈՐՈՎԻ ԲԱՑԱՀԱՅՏԵ՛ՆՔ ՍԱՐՈՅԱՆ ՆԿԱՐՉԻՆ, ԹԱՏԵՐԱԳԵՏԻՆ, ԵՐԳԱՀԱՆԻՆ, ԴՐԱՄԱՏՈՒՐԳԻՆ... (ՏԵՍԱՆՅՈՒԹ)

Մեկնարկում է ՀԲԸՄ ԵԱ Երևանյան խմբի և «Ռենեսանս» մշակութային և ինտելեկտուալ հիմանդրամի «Բարև Սարոյան…» ծրագիրը

ՀԲԸՄ Երիտասարդ արհեստավարժների (ԵԱ) «Գրքաբաց» նախաձեռնության և «Ռենեսանս» մշակութային և ինտելեկտուալ հիմանդրամի «Սարոյան Հաուս» նախագծի «Բարև Սարոյան…» համատեղ ծրագրի մեկնարկը տրվեց փետրվարի 3-ին:

«Ռենեսանս» մշակութային և ինտելեկտուալ հիմանդրամը միակն է, որը պահպանում և տարածում է Սարոյանի ժառանգությունը:

Նախատեսվում է եռամսյա ընթերցանության, խաղերի և թատերական ներկայացումների շարք՝ նվիրված համաշխարհային ճանաչում ունեցող, 20-րդ դարի ամերիկյան գրականության հսկա և ամերիկահայ գրող Վիլյամ Սարոյանի 110 ամյակին, որի միջոցով երեխաները կարող են ծանոթանալ մեծ գրողի հարուստ գրական ժառանգությանը:

«Երկար-բարակ մտածեցինք և որոշեցինք, որ պետք է բացահայտենք «Սարոյան ֆենոմենը»: Այս նախագիծը ստեղծվել է ընթերցանությունը տարածելու և դրա միջոցով Սարոյանին բացահայտելու համար», - նշեց ՀԲԸՄ ԵԱ Երևանյան խմբի անդամ Հայկազ Նահապետյանը:

«Ամեն շաբաթ օր հավաքվելու ենք Աշոտ Նավասարդյանի անվ. թիվ 196-րդ դպրոցում ՀԲԸՄ ԵԱ Երևանյան խմբի ստեղծած առաջին «Գրքաբաց» ընթերցանության սենյակում: Գրքաբաց ընթերցասրահում, տալու ենք աշակերտներին Սարոյանի որևէ գիրք ընտրելու հնարավորություն: Սարոյանը ներկայացվելու է տարբեր կողմերով` Սարոյան գրող, Սարոյան թատերագետ, Սարոյան սցենարիստ, Սարոյան նկարիչ, Սարոյան դրամատուրգ…», - հավելեց ՀԲԸՄ ԵԱ Երևանյան խմբի ղեկավար Ինգա Վարդանյանը:

Նախագծի ավարտին դպրոցի աշակերտները հանդես կգան Սարոյանին նվիրված թատերական ներկայացմամբ և կկիսվեն Սարոյանի մասին իրենց տպավորություններով և, առհասարակ, թե ինչ քաղեցին այս եռամսյա նախագծից:

***

Ինտելեկտուալ Ռենեսանս հիմնադրամը շահույթ չհետապնդող, ոչ առևտրային կազմակերպություն է։ Այն գործում է ՀՀ օրենսդրության, ՀՀ միջազգայյին պայմանագրերի հիման վրա և ՀՀ ողջ տարածքում։ Հիմնադիրն է գործարար, բարերար և պրոդյուսեր Արթուր Ջանիբեկյանը: Այժմ հիմնադրամը իրականացնում է Վիլյամ Սարոյանի տուն-թանգարանի նախագծումը:

ՏԵՍԱՆՅՈՒԹ

 

 

end faq

 

 
Դուք այստեղ եք՝ Home ԵԱ ԵՐԵՎԱՆ ՆՈՐՈՎԻ ԲԱՑԱՀԱՅՏԵ՛ՆՔ ՍԱՐՈՅԱՆ ՆԿԱՐՉԻՆ, ԹԱՏԵՐԱԳԵՏԻՆ, ԵՐԳԱՀԱՆԻՆ, ԴՐԱՄԱՏՈՒՐԳԻՆ... (ՏԵՍԱՆՅՈՒԹ)

Շնորհակալություն բաժանորդագրվելու համար: