ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :

------------------------------------------------------------------------------------------------------------------------------------

ՀԲԸՄ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻ (ԵԱ) ԵՐԵՎԱՆՅԱՆ ԹԻՄԸ ՀՅՈՒՐԸՆԿԱԼԵՑ ԴԱՐՏՄՈՒՏԻ ՀԱՄԱԼՍԱՐԱՆԻ ԹԱՔ ԲԻԶՆԵՍ ԴՊՐՈՑԻ MBA ՈՒՍԱՆՈՂՆԵՐԻՆ

ՀԲԸՄ Երիտասարդ Արհեստավարժների (ԵԱ) երևանյան թիմը մարտի 16-ին հյուրընկալեց Դարտմուտի համալսարանի Թաք բիզնես դպրոցի MBA ուսանողներին, ովքեր այս օրերին Հայաստանում են ուսուցողական շրջայցով:

Ոգևորիչ էր տեսնել տարբեր հետաքրքրություններով ու տարբեր մայրցամաքներից ժամանած երիտասարդների, որոնք այդքան շատ ընդհանրություններ են գտնում ու կապեր հաստատում միմյանց հետ: ՀԲԸՄ-ն միշտ ուրախ է տրամադրել այն հարթակը, որտեղ երիտասարդները կարող են ծանոթանալ ու ծրագրել համատեղ ձեռնարկներ:

Խոսելով ՀԲԸՄ Երիտասարդ Արհեստավարժների համաշխարհային ցանցի դերի մասին՝ երևանյան թիմի անդամները ներկայացրին իրենց ընթացիկ և առաջիկա ծրագրերը: Հյուրերն իրենց հերթին ուրախությամբ հայտնեցին, որ համագործակցում են Արդեան դիզայն ստուդիայի հետ իրենց ուսումնական ծրագրի շրջանակներում:

Հետաքրքիր է նշել նաև, որ Արդեան դիզայն ստուդիայի հիմնադիր Վազգեն Բրուտյանը ժամանակին եղել է նաև ՀԲԸՄ ԵԱ Լոս Անջելոսի խմբի համահիմնադիրներից: Եվ այսօր, մասնակցելով այս հանդիպմանը օվկիանոսից այս կողմ ու այսքան տարիներ անց, Բրուտյանը հպարտ է, որ Դարտմուտի համալսարանականներն ընտրել են իր նախագիծը:

 

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻ (ԵԱ) ԵՐԵՎԱՆՅԱՆ ԹԻՄԸ ՀՅՈՒՐԸՆԿԱԼԵՑ ԴԱՐՏՄՈՒՏԻ ՀԱՄԱԼՍԱՐԱՆԻ ԹԱՔ ԲԻԶՆԵՍ ԴՊՐՈՑԻ MBA ՈՒՍԱՆՈՂՆԵՐԻՆ

Շնորհակալություն բաժանորդագրվելու համար: