Հինգշաբթի, 14 Հունիսի 2018

«LA STRUCTURE EST POURRIE, CAMARADE» ՀԱՆԴԻՊՈՒՄ-ՔՆՆԱՐԿՈՒՄ

  • Հունիսի 14, 2018
  • 11:25

Հայկական բարեգործական ընդհանուր միությունը սիրով հրավիրում է բոլորին մասնակցելու "La Structure"-ի հեղինակ Վիգեն Բերբերյանի հետ հանդիպում-քննարկմանը՝ ծանոթանալու գրաֆիկ նովելի ստեղծման պատմությանն ու մշակութային քննադատությանը:

Բանախոսներ՝
Վիգեն Բերբերյան - հեղինակ
Կարինե Թորոսյան - կինոռեժիսոր
Աննա Գարգարյան - համադրող
Հանդիպումը կվարի Ռուբինա Մարկոսյանը

Ներկաները կարող են տեղում ձեռք բերել գիրքը՝ հեղինակի ստորագրությամբ:

Միջոցառման լեզուն՝ անգլերեն:

Հինգշաբթի՝ հունիսի 14-ին, ժամը 19:00
ՀԲԸՄ Հայաստանի ցուցասրահ (Մելիք-Ադամյան 2/2)

Մուտքն ազատ է:

Հինգշաբթի, 31 Մայիսի 2018

«LA STRUCTURE EST POURRIE, CAMARADE» ՑՈՒՑԱԴՐՈՒԹՅՈՒՆ

  • Մայիսի 31, 2018
  • 15:13

ՀԲԸՄ ցուցասրահը հրավիրում է ձեզ «La Structure est Pourrie, Camarade» (Կառույցը փտած է, ընկեր) ցուցադրությանը: Ցուցադրությունն անդրադառնում է Վիգեն Բերբերյանի հեղինակությամբ և Յանն Կեբբիի նկարազարդմամբ վերջերս հրատարակված պատկերազարդ վեպի ընթացքին, պատմությանն ու սիմվոլիզմին: Պայթուցիկ գույների, արտասովոր գրաֆիկական ձևավորման և ողբերգական հումորի համար վեպը քննադատների հավանությանն է արժանացել ֆրանսիական մամուլում. Le Monde, Beaux Arts, and France Culture, ինչպես նաև հունիսին դրան նվիրված հատուկ միջոցառում է կազմակերպվել Փարիզի Centre Pompidou կենտրոնում:

Տեղեկացե՛ք, թե Վիգենն ու Յաննը ինչպես են հինգ տարվա ընթացքում ստեղծել այս վեպը՝ Երևանից մինչև Փարիզ, Մոնրեալ և Մոսկվա: Ցուցահանդեսի ժամանակ կներկայացվեն կուլիսային տեղեկություններ, հատվածներ վեպից, ինչպես նաև կարճամետրաժ ֆիլմ՝ նկարահանված Կարինե Թորոսյանի կողմից:

Բացման արարողությունը տեղի կունենա՝

Հինգշաբթի՝ մայիսի 31-ին, 18:00-ին
ՀԲԸՄ ցուցասրահում (2/2 Մելիք-Ադամյան փ.)

Ցուցահանդեսը կշարունակվի մինչև հունիսի 15-ը:

Մուտքն ազատ է:

Երեքշաբթի, 29 Մայիսի 2018

«ՀՈԳԻՍ» ՊԱՐԱՅԻՆ ԵՐԱԺՇՏԱԿԱՆ ՆԵՐԿԱՅԱՑՈՒՄ

  • Մայիսի 29, 2018
  • 15:14

ՀՈԳԻՍ-ը վերադառնում է մեծ բեմ: Հայկական բարեգործական ընդհանուր միությունը և Մայր Աթոռ Սբ. Էջմիածնի և ՀԲԸՄ-ի Նորքի Հայորդյաց Տունը սիրով հրավիրում են ՀՈԳԻՍ պարային երաժշտական ներկայացմանը՝ նվիրված Հայաստանի առաջին հանրապետության 100-ամյակին:

Երեքշաբթի, մայիսի 29, ժամը 19:30
Գ. Սունդուկյանի անվ. ազգային ակադեմիական թատրոն (Գրիգոր Լուսավորիչ փ. 6)

Չորեքշաբթի, 16 Մայիսի 2018

ՀԱԼԵՊԱՀԱՅ ԳՐՈՂ, ՀԱՍԱՐԱԿԱԿԱՆ ԵՎ ՄՇԱԿՈՒԹԱՅԻՆ ԳՈՐԾԻՉ ՀԱԿՈԲ ՄԻՔԱՅԵԼՅԱՆԻ ՄԵԾԱՐՄԱՆ ԵՐԵԿՈ

  • Մայիսի 16, 2018
  • 14:24

Սիրով հրավիրում ենք մասնակցելու հալեպահայ գրող, հասարակական և մշակութային գործիչ Հակոբ Միքայելյանի մեծարման երեկոյին՝ նրա ծննդյան 75-ամյակի և հասարակական և գրական գործունեության 60-ամյակի առթիվ:

Չորեքշաբթի, մայիսի 16-ին, ժամը՝ 19:00
ՀԲԸՄ Հայաստան (Մելիք-Ադամյան 2/2)

Մուտքն ազատ է:

Ուրբաթ, 27 Ապրիլի 2018

«ԾԱՂԿԱՀԱՎԱՔ»

  • Ապրիլի 27, 2018
  • 11:37

ՀԲԸՄ Հայաստանի սկաուտական խումբը՝ Վայրի բնության և մշակութային արժեքների պահպանման հիմնադրամի օժանդակությամբ, հրավիրում է Ձեզ մասնակցելու ամենամյա «Ծաղկահավաք» միջոցառմանը, որը տեղի կունենա սույն թվականի ապրիլի 27-ին՝ ժամը 09:00-18:00 Ծիծեռնակաբերդի հուշահամալիրում:
Մասնակցելու համար խնդրում ենք լրացնել առցանց գրանցման հայտը՝ www.AGBUScout.am.
Ուրբաթ, 20 Ապրիլի 2018

ՀԱՅԱՍՏԱՆԸ ՄԻՋԱԶԳԱՅԻՆ ԱՐԵՆԱՅՈՒՄ և ԸՆԴՀԱՆՈՒՐ ՀԱՅԱՑՔ

  • Ապրիլի 20, 2018
  • 12:21

Հայկական բարեգործական ընդհանուր միությունը (ՀԲԸՄ) և Հայաստանի ամերիկյան համալսարանը համատեղ հանդես են գալիս դասախոսությունների շարքով՝ նվիրված Հայաստանի Առաջին Հանրապետության հարյուրամյակին:

Երբ Հայաստանի փոքր պետությունը ընդարձակեց իր տարածքները մինչև նախապատերազմական, այսպես կոչված, «Ռուսահայաստանի» սահմանները և պատրաստվում էր իրագործել «Ազատ, Անկախ, Միացյալ Հայաստան» կարգախոսը, հայ դիվանագետները և հայասեր կազմակերպությունները հինգ մայրցամաքներում փորձում էին օգնություն հայթայթել Հայաստանի համար: Մեծ տերությունների պատասխանը այս հարցում վճռորոշ նշանակություն ուներ, քանի որ դրանով էր պայմանավորված՝ արդյոք նրանք կկատարեն պատերազմի տարիներին հայ ժողովրդի ապագային առնչվող իրենց խոստումները: 1920թ.-ի դեկտեմբերին Հայաստանի Առաջին Հանրապետության փլուզումը տվեց այս հարցի տխուր պատասխանը: Երբ Հանրապետությունն անցավ պատմության գիրկը, դրա իրական նշանակության մասին ի հայտ եկան խիստ տարամետ կարծիքներ: Այսօր՝ հարյուր տարի անց, ո՞րը կարող է լինել իրական գնահատականը: Ավելին այստեղ:

Ուրբաթ, ապրիկի 2-ին, 18:30–20:00-ին
Մանուկյան սրհ., Փարամազ Ավեդիսյան շ., ՀԱՀ (Մարշալ Բաղրամյան 40)

Մուտքն ազատ է:

Չորեքշաբթի, 18 Ապրիլի 2018

ՍՏԵՂԾԵԼՈՎ ՀԱՆՐԱՊԵՏՈՒԹՅԱՆ ԵՆԹԱԿԱՌՈՒՑՎԱԾՔՆԵՐԸ

  • Ապրիլի 18, 2018
  • 11:24

Հայկական բարեգործական ընդհանուր միությունը (ՀԲԸՄ) և Հայաստանի ամերիկյան համալսարանը համատեղ հանդես են գալիս դասախոսությունների շարքով՝ նվիրված Հայաստանի Առաջին Հանրապետության հարյուրամյակին:

Ազգային փոքրամասնություններով բնակեցված բազմաթիվ տարածքների անհնազանդության և սահմանային մշտական լարվածության պայմաններում Հայաստանի կառավարությունը փորձում էր դնել ժողովրդավարական հանրապետության հիմքերը:

Այս դասախոսությունը և քննարկումը կդիտարկեն այն միջոցները, որոնք կառավարությունը ձեռք էր առնում հանրապետական տիպի պետության հիմքերը դնելու, ինչպես նաև ներքին լարվածությունների դեմ պայքարելու նպատակով: Ներքին լարվածություններն առկա էին ոչ միայն քաղաքական կուսակցությունների միջև, այնպես էլ իշխող Դաշնակցական կուսակցության ներսում: Ստեղծված իրավիճակում Սփյուռքը նույնպես ունեցավ իր դերը, քանի որ կուսակցական կողմնակալությունը, տեղային հատվածականությունը և պատվիրակությունների երկվությունը սպառնում էին ոչ միայն Հանրապետության ապագային, այլ նաև հենց հայ ժողովրդին: Սակայն մինչև 1920թ.-ը նկատելի առաջընթաց տեղի ունեցավ, և բարելավման նշաններ ի հայտ եկան թե՛ երկրի ներսում, թե՛ միջազգային ասպարեզում:  Ավելին՝ այստեղ:

Չորեքշաբթի, ապրիլի 18-ին, 18:30-20:00-ին,
Մանուկյան սրհ., Փարամազ Ավեդիսյան շ., ՀԱՀ (Մարշալ Բաղրամյան 40)

Մուտքն ազատ է:

Երկուշաբթի, 16 Ապրիլի 2018

ՄԱՅԻՍԻ 28. ԱՆԿԱԽՈՒԹՅԱՆԸ ՆԱԽՈՐԴՈՂ ԺԱՄԱՆԱԿԱՇՐՋԱՆԸ

  • Ապրիլի 16, 2018
  • 15:43

Հայկական բարեգործական ընդհանուր միությունը (ՀԲԸՄ) և Հայաստանի ամերիկյան համալսարանը (ՀԱՀ) համատեղ հանդես են գալիս դասախոսությունների շարքով՝ նվիրված Հայաստանի Առաջին Հանրապետության հարյուրամյակին:
Դարեր ի վեր օտար տիրապետության տակ գտնվելուց հետո մայիսի 28-ը դարձել է հայոց պետականության վերածննդի խորհրդանիշը: Պետականության վերականգնումից հետո 1918թ.-ի հայոց անկախությունը վերածվեց մի արժեքի, որը ծնունդ էր առել` բացարձակ անհրաժեշտությունից ելնելով:

Այս դասախոսության և քննարկման հիմնական թեման լինելու է Առաջին համաշխարհային պատերազմի տարիներին ստեղծված պայմանները, որոնց արդյունքում անկախության անցնելու ճանապարհը լի էր դավաճանություններով, իսկ մարտահրավերները, որոնք ստիպված էր հաղթահարել Հայաստանի հուսահատ ղեկավարությունը, թվում էին անհաղթահարելի: Այնուամենայնիվ, Հանրապետությունն ինչ-որ կերպ կարողացավ գոյատևել մինչև պատերազմի ավարտը, երբ հույսի շողերը սփռվեցին Արարատ լեռան լանջերին: Ավելին՝ այստեղ:

Երկուշաբթի, ապրիլի 16-ին, 18:30-20:00-ին 
Մանուկյան սրհ., Փարամազ Ավեդիսյան շ., ՀԱՀ (Մարշալ Բաղրամյան 40)

Մուտքն ազատ է:

Երեքշաբթի, 10 Ապրիլի 2018

ՀԱՖՆ ՆՈՐ ԿԱՄԵՐԱՏԱ. ԵՐԵԿՈ ՏԻԳՐԱՆ ՄԱՆՍՈՒՐՅԱԻ ՀԵՏ

  • Ապրիլի 10, 2018
  • 13:15

ՀԲԸՄ Հայաստանը սիրով հրավիրում է Հայաստանի ազգային ֆիլհարմոնիկ նվագախմբի (ՀԱՖՆ) Նոր կամերատայի համերգին՝ նվիրված ՀՀ արվեստի վաստակավոր գործիչ, կոմպոզիտոր Տիգրան Մանսուրյանին:

Կատարողներ՝
Աննա Մարգարյան, ջութակ
Իվետա Կորկինա, ջութակ
Գոռ Հովհաննիսյան, ալտ
Միքայել Նավասարդյան, թավջութակ
Արմինե Պետրոսյան, թավջութակ
Նաիրա Իսրայելյան, դաշնամուր

Ծրագիր՝
Գոռ Հովհաննիսյան
Տիգրան Մանսուրյան
Ֆրանց Շուբերտ

Համերգի հատուկ հյուր՝ Տիգրան Մանսուրյան:

Երեքշաբթի, ապրիլի 10-ին, 19:00-ին
ՀԲԸՄ Հայաստանի դահլիճ (Մելիք-Ադամյան 2/2)

Մուտքը միայն գրանցումով այստեղ:

Ուրբաթ, 06 Ապրիլի 2018

ԲԱՑԱՀԱՅՏԵՆՔ ՀԱՋՈՂՈՒԹՅԱՆ ԲԱՆԱՁԵՎԸ ՊԱՏՐԻԿ ԴԵՐՀԱՄԻ ՀԵՏ

  • Ապրիլի 06, 2018
  • 13:16

ՀԲԸՄ Հայաստանը «Այբ» կրթական հիմնադրամի և Skill-ի հետ համատեղ հրավիրում է մասնակցելու Միացյալ Թագավորությունում ամենամրցունակ Ուեսթմինսթերյան դպրոցի տնօրեն Պատրիկ Դերհամի հետ հանդիպում-քննարկմանը «Ինչն է առավոտյան ինձ ստիպում անկողնուց վեր կենալ» թեմայով:

Միջոցառման լեզուն՝ անգլերեն:

Ուրբաթ, ապրիլի 6-ին, 18:30-ին
ՀԲԸՄ Հայաստանի դահլիճ (Մելիք-Ադամյան 2/2)

 
Դուք այստեղ եք՝ Home ԿԱՐԾԻՔ

Շնորհակալություն բաժանորդագրվելու համար: