2017

Հինգշաբթի, 06 Հուլիսի 2017

«PIERROT LE FOU» ՖԻԼՄԻ ՑՈՒՑԱԴՐՈՒԹՅՈՒՆԸ ՀԲԸՄ ՀԱՅԱՍՏԱՆՈՒՄ

Ֆրանսիական դասական կինո
1-ին եթերաշրջան
Հայկական Ալիանս Ֆրանսեզ- ՀԲԸՄ Երևան - AFG Film Club - Institut Français

Pierrot le fou (վերականգնված տարբերակ)
Jean-Luc Godard - France - 1965 - 112 րոպե
Դերերում՝ Jean-Paul Belmondo, Anna Karina, Raymond Devos

Սինոպսիս. Ֆերդինանդ Գրիֆոնը, ով ամուսնացած է մի հարուստ կնոջ հետ, ձանձրանում է բարձր հասարակության միջավայրում, ուր նրան տանում է կինը: Մի երեկույթի ժամանակ նա հանդիպում է Մարիանին՝ մի երիտասարդ ուսանողուհու, ում հետ ծանոթացել է հինգ տարի առաջ: Թողնելով կնոջը՝ նա այդ գիշերն անցկացնում է Մարիանի տանը՝ որոշելով այլևս չգնալ այդտեղից: Կինը ապահարզան է պահանջում: Մարիանը՝ խառնված լինելով մութ պատմությունների մեջ, մի օր դիակ է գտնում իրենց բնակարանում: Սիրեկանները փախուստի են դիմում հանգուցյալի մեքենայով՝ դեպի Կոտ դ’Ազյուր, ուր Մարիանը ցանկություն է հայտնում գտնել իր եղբորը: Առանց գումարի, նրանք հարձակվում են մի գազալցակայանի վրա: Մարիանը սկսում է իր սիրեկանին «Պիերո» անվանել: Արկածները նրանց հասցնում են ծովի ափ...

Ֆիլմը կցուցադրվի օրիգինալ լեզվով (ֆրանսերեն)՝ անգլերեն ենթագրերով:
Մուտքն ազատ է:

Միջոցառումը տեղի կունենա հուլիսի 6-ին, ժամը 19:00-ին ՀԲԸՄ Հայաստանի դահլիճում (Մելիք-Ադամյան 2/2):

Ավելին
Չորեքշաբթի, 05 Հուլիսի 2017

3-ՐԴ ԵՐԵՎԱՆՅԱՆ ՄԻՋԱԶԳԱՅԻՆ ԿԻԹԱՌԻ ՓԱՌԱՏՈՆ

3-րդ Երևանյան միջազգային կիթառի փառատոնի շրջանակներում սիրով հրավիրում ենք Ձեզ ներկա գտնվելու կիթառային երեկոյի՝ Վլադիմիր Կիրասիրովի (Ռուսաստան) մասնակցությամբ:

Համերգը տեղի կունենա՝

Չորեքշաբթի, հուլիսի 5-ին, ժանը 19։00-ին
ՀԲԸՄ Հայաստան (Մելիք - Ադամյան 2/2)

Մուտքն ազատ է:

Ավելին
Երկուշաբթի, 03 Հուլիսի 2017

ՄԱՇՏՈՑ-ԿՈՄԻՏԱՍ ՀԱՄԵՐԳԱՅԻՆ ՆԱԽԱԳԾԻ ՇՆՈՐՀԱՆԴԵՍ

ՀԲԸՄ Հայաստանը կազմակերպում է հերթական գեղեցիկ երաժշտական երեկոն, որով կմեկնարկի նոր համերգային նախագիծ Հայաստանում:

Վահան Արծրունի

ՄԱՇՏՈՑ-ԿՈՄԻՏԱՍ 
համերգային նախագծի շնորհանդես

«ՄԱՇՏՈՑ. ՍՐԲԱԶԱՆ ՄԱՐԳԱՐԻՏՆԵՐ»
Սուրբ Մեսրոպ Մաշտոցի V դարի շարականները Վ.Արծրունու մեկնությամբ

«ԿՈՄԻՏԱՍ. ՏԱՍԸ ՀԱՅՏՆՈՒԹՅՈՒՆ»
երգաշար՝ գրված Կոմիտասի բանաստեղծությունների հիման վրա
երաժշտություն՝ Վահան Արծրունի

Այս համերգային նախաձեռնությունը բնութագրվում է իբրև ԱԶԳԱՅԻՆ ՆԱԽԱԳԻԾ, քանի որ դրանում առկա է ազգային պատմական նյութի և ժամանակակից երաժշտական լեզվամտածողության համադրությունը՝ XXI դարին համահունչ երաժշտական լուծումներով. Մաշտոցյան շարականը ու կոմիտասյան քնարերգությունը կամրջվելով կոմպոզիտոր, կատարող Վահան Արծրունու ստեղծագործությամբ՝ աշխարհին է ներկայացնում մեր գանձերը ուրույն կերպով և հաղորդում դրանց նոր շունչ և հնչեղություն։

Երկուշաբթի, հուլիսի 3-ին, ժամը 19:30-ին
ՀԲԸՄ Հայաստան (Մելիք-Ադամյան 2/2)

Ավելին
Շաբաթ, 01 Հուլիսի 2017

ԴԻԶԱՅՆ, ՈՃ, ՔԱՂԱՔԱԿՐԹՈՒԹՅՈՒՆ, ԺԱՄԱՆԱԿԱԿԻՑ ԴԻԶԱՅՆԻ ՄԱՐՏԱՀՐԱՎԵՐՆԵՐԸ ՀԱՅԱՍՏԱՆՈՒՄ

ԴԻԶԱՅՆ, ՈՃ, ՔԱՂԱՔԱԿՐԹՈՒԹՅՈՒՆ
ԺԱՄԱՆԱԿԱԿԻՑ ԴԻԶԱՅՆԻ ՄԱՐՏԱՀՐԱՎԵՐՆԵՐԸ ՀԱՅԱՍՏԱՆՈՒՄ

Զրույց-քննարկում Միսակ Խոստիկյանի (ճարտարապետ, փիլիսոփա, արվեստի պատմության դասախոս ԵՊՀ-ում), Էդիկ Պողոսյանի (գրաֆիկական դիզայներ), Արի Հաճյանի (ճարտարապետ), Ստեփան Ազարյանի (դիզայներ, “Backbone Branding”-ի գեղարվեստական տնօրեն) և Նորա Գալֆայանի (գրաֆիկական դիզայներ) հետ։

Վարող` Վիգեն Գալստյան (արվեստաբան, համադրող)

Այս քննարկման հիմնական նպատակն է անդրադառնալ Հայաստանում ծավալվող դիզայնի պրակտիկաներին` շեշտադրելով այն կոնցեպտուալ, էսթետիկ և տնտեսական մարտահրավերները, որոնք առկա են թե՛ մասնավոր, թե՛ հանրային տիրույթներում: Քննարկման ժամանակ մեր ուշադրության կենտրոնում մասնավորապես կլինի դիզայնի հասարակական և քաղաքական նշանակությունը, ինչպես և դիզայնի կարևոր դերը` զարգացող քաղաքացիական հարաբերությունների և հավաքական ինքնության ընկալումների ձևավորման համար: Այլ կերպ ասած, կարո՞ղ է դիզայնն թելադրել թե ով ենք մենք և որտեղ ենք գնում։

Հուլիսի 1-ին, ժանը 19։00-ին
Երևանի ափերում
ՀԲԸՄ Հայաստան (Մելիք Ադամյան 2/2)

Ավելին
Երկուշաբթի, 26 Հունիսի 2017

«ԱՆԱՊԱՏԻ ՏԽՈՒՐ ՄԵՂԵԴԻՆ. ԲԵՏՈՒԻՆ ՀԱՅԵՐԸ ՆՈՒՐՀԱՆ ՊԱԼԵԱՆԻ ԼՈՒՍԱՆԿԱՐՆԵՐՈՒՄ» ԳՐՔԻ ՇՆՈՐՀԱՆԴԵՍ

Բոլորովին վերջերս, ՀԲԸՄ Սիրիայի շրջանակային հանձնաժողովն ու ՀԲԸՄ Հիմնադրամ (Հայաստան)-ը հրատարակեցին «Անապատի տխուր մեղեդին. Բետուին հայերը Նուրհան Պալեանի լուսանկարներում» ալբոմը: Նկարաշարը, որ պետք է լույս տեսներ Հալեպում՝ Հայոց ցեղասպանության 100-րդ տարելիցի առիթով, հասկանալի պատճառներով հրատարակվեց Երևանում: Ալբոմը հրատարակության է պատրաստել Հրազդան Թոքմաճյանը, ով ի մի է բերել հալեպահայ հայտնի լուսանկարիչ Նուրհան Պալյանի նկարները, որոնք ներկայացնում են ցեղասպանությունից հետո արաբացած, բեդվինների մոտ ապաստան գտած հայերին: Կան նաև նրանց կյանքն ու կենցաղը, ինչպես նաև Տեր-Զորն ու նրա շրջակայքը ներկայացնող լուսնկարներ: Սիրով հրավիրում ենք Ձեզ մասնակցելու «Անապատի տխուր մեղեդին. Բետուին հայերը Նուրհան Պալեանի լուսանկարներում» գրքի շնորհանդեսին:

Երկուշաբթի, հունիսի 26-ին, ժամը 17:00-ին
ՀԲԸՄ Հայաստան (Մելիք-Ադամյան 2/2)
Մուտքն ազատ է:

Ավելին

ՔՀ ԿԱՄՈՒՐՋ ԾՐԱԳՐԻ ՄԵԿՆԱՐԿ

ՀԲԸՄ Հայաստանը սիրով հրավիրում է Ձեզ ներկա գտնվելու ՔՀ Կամուրջ ծրագրի մեկնարկի միջոցառմանը: Եվրոպական միության կողմից ֆինանսավորող ՔՀ Կամուրջ ծրագիրն իրականացնում է ՀԲԸՄ Հայաստանը` Եվրասիա համագործակցություն հիմնադրամի հետ գործընկերությամբ: Եռամյա այս ծրագրի նպատակն է զարգացնել հայաստանյան քաղաքացիական հասարակության կազմակերպությունների (ՔՀԿ) կարողությունները` քաղաքացիների կարիքներին ավելի լավ արձագանքնելու համար: Ծրագրի առանձնահատուկ բաղադրիչն է սփյուռքի ներուժի և փորձառության ներգրավումը: Ծրագրի թիրախ են հանդիսանում Հայաստանում գրանցված և գործող ՔՀԿ-ները, վերջիններիս մասնագիտական զարգացմամբ հետաքրքրված տեղական համալսարանները, սփյուռքի երիտասարդ մասնագետները, ովքեր իրենց գիտելիքներով և փորձառությամբ կցանկանան նպաստել Հայաստանի զարգացմանը:

Երկուշաբթի, հունիսի 26-ին, ժամը 11:00-13:00-ը

ՀԲԸՄ Հայաստան (Մելիք-Ադամյան 2/2)
Մուտքն ազատ է:

Ավելին
Հինգշաբթի, 22 Հունիսի 2017

FROM DOMIKS TO RESILIENT SOLUTIONS

FROM DOMIKS TO RESILIENT SOLUTIONS

The Tuff Armenia team from the University of Virginia, AGBU Armenia Bridge4CSOs Programme and Gyumri Project Hope are organizing a presentation and photo exhibition on the southern “domiks” district in Gyumri. The objective of Tuff Armenia is to develop low cost, energy efficient and earthquake resilient housing solutions for people living in temporary houses - “domiks” - in Gyumri. Over the last several weeks, the team has been interviewing community members of this temporary housing district, many of whom are survivors of the 1988 earthquake. We are honored to share their stories with you as we work on sustainable solutions.

Thursday, June 22, 17:00

AGBU Armenia (2/2 Melik-Adamyan str.).
Free entrance.

Ավելին
Հինգշաբթի, 08 Հունիսի 2017

ԱՐՏՅՈՄ ՄԱՆՈՒԿՅԱՆԸ ՀԲԸՄ ՀԱՅԱՍՏԱՆԻ ԴԱՀԼԻՃՈՒՄ

Կրկին անգամ Հայաստանում է Արտյոմ Մանուկյանը և մենք չէինք կարող բաց թողնել նրան լսելու առիթը: ՀԲԸՄ Հայաստանը սիրով հրավիրում է Ձեզ վայելելու Արտյոմի թավջութակի անկրկնելի հնչյունները: Երեկոյի հատուկ հյուրեր՝ Արման Ջալալյան և Արթուր Գրիգորյան:
Սիրով սպասում ենք Ձեզ:

Արտյոմ ՄԱՆՈՒԿՅԱՆ (թավջութակ)
Արման ՋԱԼԱԼՅԱՆ (հարվածային)
Արթուր ԳՐԻԳՈՐՅԱՆ (սաքսոֆոն)

Հինգշաբթի, հունիսի 8-ին, 19:30
ՀԲԸՄ Հայաստան (Մելիք-Ադամյան 2/2)

Մուտքն ազատ է, տեղերը՝ սահմանափակ:
Խնդրում ենք գրանցվել հետևյալ հղումով՝ https://www.eventbrite.com/e/evening-with-artyom-manukyan-tickets-35042204176

Ավելին
Երկուշաբթի, 05 Հունիսի 2017

THE BEAUTIFIED PROJECT ԽՄԲԻ ՀԱՄԵՐԳԸ ՀԲԸՄ ՀԱՅԱՍՏԱՆՈՒՄ

Երկար սպասված համերգ ՀԲԸՄ Հայաստանի դահլիճում: Մենք կհյուրընկալենք The Beautified Project-ին՝ ակուստիկ համերգով: Կհնչեն կատարումներ խմբի բոլոր 4 ալբոմներից, ներառյալ նրանց այդքան սիրված հայերեն կատարումները:

The Beautified Project:

Անդրե Սիմոնյան – վոկալ, կիթառ
Արմեն Շավերդյան – կիթառ, վոկալ
Արլեն Շավերդյան – դաշնամուր, վոկալ
Ալեքս Միրզոյան - թավջութակ

Երկուշաբթի, հունիսի 5-ին, ժամը 19:30

ՀԲԸՄ Հայաստան (Մելիք-Ադամյան 2/2)

Համերգին ներկա գտնվելու համար խնդրում ենք գրանցվել այստեղ

Տեղերը սահմանափակ են: Մուտքն ազատ է:

Ավելին
Հինգշաբթի, 01 Հունիսի 2017

PICKPOCKET ՖԻԼՄԻ ՑՈՒՑԱԴՐՈՒԹՅՈՒՆԸ ՀԲԸՄ ՀԱՅԱՍՏԱՆՈՒՄ

Հունիսի 1-ին, ժ-ը 19:00-ին 
PICKPOCKET
Robert BRESSON - France - 1959 - 1h15
Դերերում Martin Lassalle, Marika Green

Սինոպսիս. Միշելը գոյատևման ոչ մի միջոց չունի, սակայն միտված է իրեն կարծել վերադաս, ով չի ենթարկվում մահկանացուների համար նախատեսված բարոյական օրենքներին: Նա ավելին չի ուզում քան ազատ լինելը: Նրա առաջին գողությունը՝ պայուսակ, վատ ավարտ է ունենում: Երկու ոստիկանների շնորհիվ այս երիտասարդ կլեպտոմանը անցնում է ոստիկանատան շեմը: Քննիչը որոշում է նրան դաս տալ ազատ արձակելուց առաջ: Խրատված Միշելը սկսում է կայուն աշխատանք փնտրել: Սակայն ճակատագրի բերումով հանդիպում է մի իրական ճարտար գրպանահատի: Եվ գնալով իր կոչման հետևից՝ Միշելը շուտով դառնում է հմուտ:

Ֆիլմերը կցուցադրվեն օրիգինալ լեզվով (ֆրանսերեն)՝ անգլերեն ենթագրերով:
Մուտքն ազատ է:

Ավելին
 
Դուք այստեղ եք՝ Home Calendar

Շնորհակալություն բաժանորդագրվելու համար: