ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :

------------------------------------------------------------------------------------------------------------------------------------

«ՏՆԻՑ ՏՈՒՆ»

«Տնից Տուն»֊ը Հայաստանում և Արցախում ապրող սիրիահայ նորեկների կյանքի հետադարձ հայացք է, որը վավերագրվել է հայտնի կին լուսանկարիչներ Նազիկ Արմենակյանի (4 Plus), Անուշ Բաբաջանյանի (VII Photo Agency) և Փիրուզա Խալափյանի (4 Plus) կողմից, որոնք փաստում են Հայաստանում սիրիահայ փախստականների պատմությունները տարբեր տեսանկյուններից 2011 թվականից Սիրիայի քաղաքացիական պատերազմի սկսվելուց ի վեր մինչ օրս:

Ուրբաթ, դեկտեմբերի 15, 18:30
ՀԲԸՄ Հայաստանի ցուցասրահ (2/2 Մելիք-Ադամյան փ.)

CRIBBY. ԱՌԱՋԻՆ ՍՄԱՐԹ ՕՐՈՐՈՑԸ

Հայաստանում ստեղծվում է աշխարհում առաջին օրորոցը, որը կունենա բազմաթիվ գործառույթներ և միացված կլինի սմարթֆոնին:

Գաղափարի հեղինակ, դիզայներ Գոռ Շահբազյանը կներկայացնի նորարարական օրորոցի յուրահատկությունների մասին:

«Գողթ» անսամբլի Հայկ Կարեպետյանը և հրավիրված երգչուհի Աննա Մեջլումյանը կկատարեն հայտնի օրորոցային երգեր Cribby-ի համար ստեղծված World Lullabies Heritage ալբոմից:

Հինգշաբթի, դեկտեմբեր 14, 19:00
ՀԲԸՄ Հայաստանի դահլիճ (2/2 Մելիք-Ադամյան փ.)

«ԲՆԱՋՆՋՄԱՆ ՄՏԱԴՐՈՒԹՅՈՒՆ»

Ցեղասպանության հանցագործության զոհերի հիշատակի և արժանապատվության և այդ հանցագործության կանխարգելման միջազգային օրվա առիթով ՀԲԸՄ Հայաստանը հրավիրում է դիտելու «Բնաջնջման մտադրություն» վավերագրական ֆիլմը (2017)՝ լույս սփռելով Հայոց ցեղասպանության վրա, որի ականատեսներն ու հետնորդներն առ այսօր պայքարում են այդ ողբերգական իրողության միջազգային ճանաչման համար:

Չորեքշաբթի, դեկտեմբերի 13, ժամը 19:00
ՀԲԸՄ Հայաստանի դահլիճ (Մելիք-Ադամյան 2/2)

Տեղերը խիստ սահմանափակ են: Խնդրում ենք գրանցվել այստեղ:

TEDxYerevanSalon. «ԾԱՅՐԱՀԵՂ ԱԶՆՎՈՒԹՅՈՒՆ»

ՀԲԸՄ Հայաստանը կհյուրընկալի հերթական TEDxYerevanSalon-ի «Ծայրահեղ ազնվություն» թեմայով զրույց-հանդիպումը, որն իրականացվում է Impact Hub Yerevan-ի և Հայաստանում Եվրոպական միության պատվիրակության հետ գործընկերությամբ:

Ուրբաթ, դեկտեմբերի 8, 18:00
ՀԲԸՄ Հայաստանի դահլիճ (2/2 Մելիք-Ադամյան փ.)

ՖՐԱՆՍԻԱԿԱՆ ԴԱՍԱԿԱՆ ԿԻՆՈ

ՀԲԸՄ Հայաստանը և Հայկական Ալիանս Ֆրանսեզը սիրով հրավիրում են Ժան Լյուկ Գոդարի Le mépris («Արհամարհանք») ֆիլմի ցուցադրությանը՝ նվիրված Ժան-Լյուկ Գոդարի ծննդյան 87-րդ ամյակին և ֆիլմի ֆրանսիական էկրան բարձրանալու 54-րդ տարեդարձին :

Ժան Լյուկ Գոդար - Ֆրանսիա / Իտալիա - 1963 - 110 ր
Դերերում՝ Բրիջիտ Բարդո, Միշել Միկոլի, Ֆրից Լանգ

Չորեքշաբթի, դեկտեմբերի 6, ժամը՝ 19:00
ՀԲԸՄ Հայաստանի դահլիճ (2/2 Մելիք-Ադամյան փ.)

Մուտքն ազատ է:

 
Դուք այստեղ եք՝ Home Արխիվ 2014 ԵԱ Երևան Content

Շնորհակալություն բաժանորդագրվելու համար: