Բոլոր հոդվածները

Երեքշաբթի, 03 Հոկտեմբերի 2017

«ՆԱՎԱՄԱՏՈՒՅՑՆԵՐ» | ՊԵՏԻԿ ՊԵՏՐՈՍՅԱՆ

ՀԲԸՄ Հայաստանը` Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հովանավորությամբ,Հայաստանում Բուլղարիայի Հանրապետության արտակարգ և լիազոր դեսպան Տիկին Մարիա Պավլովա Ցոցորկովայի, Հայաստանի Ազգային պատկերասրահի և Սոֆիայի քաղաքային պատկերասրահի հետ համատեղ ներկայացնում է բուլղարահայ նկարիչ Պետիկ Պետրոսյանի (1912-1989) «Նավամատույցներ» ցուցահանդեսը:

Ավելի քան 90 գեղանկարչական ու գրաֆիկական երկերը պատմում են Հայաստանի, Սիլիստրայի, Բալչիկի, Դոբրուջայի գեղատեսիլ վայրերի ու գողտրիկ անկյունների մասին:

Ընդգրկված են աշխատանքներ ընտանիքի ու մասնավոր հավաքածուներից, Սոֆիայի քաղաքային պատկերասրահից, Սիլիստրայի, Վառնայի, Տուտրականի, Պազարջիկի, Դոբրիչի, Պլովդիվի պատկերասրահներից, Սիլիստրայի հայկական առաքելական եկեղեցուց, որոնք ներկայացնում են բնանկարներ, քաղաքային ու ծովային տեսարաններ, ինչպես նաև մեկ սրբապատկեր և եկեղեցու զարդապատկերների վերատպություններ:

Հոկտեմբեր 4 - նոյեմբեր 3, 11:00 - 17:00 
Հայաստանի ազգային պատկերասրահ (Արամի փ. 1)

Մուտքն ազատ է:

Ավելին
Ուրբաթ, 29 Սեպտեմբերի 2017

ԵՐԱԺՇՏԱԿԱՆ ԵՐԵԿՈ «ԿԱԴԱՆՍ» ՀԱՄՈՒՅԹԻ ՀԵՏ

ՀԲԸՄ Հայաստանը սիրով հրավիրում է Ձեզ ներկա գտնվելու անզուգական երաժշտական երեկոյի՝ մասնակցությամբ «Կադանս» համույթի:

«Կադանս» համույթը ձևավորվել է 2004թ. փետրվար ամսին հինգ հայ երաժիշտների կողմից` նպատակ ուենենալով կատարել արգենտինացի կոմպոզիտոր Աստոր Պյացոլլայի (1921-1992) ստեղծագործությունները:

Ժամանակի ընթացքում այն ընդլայնեց իր կատարումները` ներառելով եվրոպական, ամերիկյան, ռուս և հայ դասական և ժամանակակից կոմպոզիտորների գլուխգործոցներ` միաժամանակ հարազատ մնալով Պյացոլլայի երաժշտական արվեստին:

Անսամբլի առաջին համերգային շրջագայությունը տեղի է ունեցել 2005թ. ապրիլ ամսին: «Կադանս»-ը մեծ հաջողությամբ հանդես է եկել Արգենտինայում` Բուենոս Այրեսի «Կոլոն» և «Սերվանտես» հանրաճանաչ թատրոններում: p>Առաջին հյուրախաղերին հաջորդել են բազմաթիվ ելույթներ մի շարք երկրներում և միջազգային փառատոններում, այդ թվում՝ Ռուսաստանում, Եվրոպական, Ասիական և Միջին Արևելքի մի շարք երկրներում:

«ԿԱԴԱՆՍ»-Ի ԵՐԱԺԻՇՏՆԵՐ

Ջաղացպանյան Հակոբ կիթառ, ՀՀ վաստակավոր արտիստ, պրոֆեսոր
Խաչումյան Վարազդատ ջութակ, ՀՀ վաստակավոր արտիստ
Եգանյան Մերուժան ակորդեոն
Միքայելյան Սոֆի դաշնամուր
Ամիրյան Գուրգեն կոնտրաբաս

Մասնակցության համար գրանցվե՛ք այստեղ:

Ուրբաթ, սեպտեմբեր 29, 19:30
ՀԲԸՄ Հայաստան (Մելիք-Ադամյան 2/2)

Ավելին
Շաբաթ, 23 Սեպտեմբերի 2017

ՎԱՐՊԵՏՈՒԹՅԱՆ ԴԱՍ ԿԻՆՈԳՈՐԾԻՉՆԵՐԻ ՀԱՄԱՐ՝ ՄԱՍՆԱԿՑՈՒԹՅԱՄԲ ԹԵՐՐԻ ՋՈՐՋԻ ԵՎ ԷՐԻԿ ԻՍՐԱՅԵԼՅԱՆԻ

Հայկական Բարեգործական Ընդհանուր Միությունը (ՀԲԸՄ) և Creative Armenia-ն ներկայացնում են Օսկարակիր կինոռեժիսոր, The Promise և Hotel Rwanda ֆիլմերի ռեժիսոր Թերրի Ջորջի վարպետության դասը: Հանդիպման հատուկ հյուրն է The Promise և Intent to Destroy ֆիլմերի պրոդյուսեր Էրիկ Իսրայելյանը:

Հանդիպումը կվարի Creative Armenia-ի հիմնադիր տնօրեն և «1915» ֆիլմի սցենարի համահեղինակ և ռեժիսոր Կարին Հովհաննիսյանը:

Թերրի Ջորջը և Էրիկ Իսրայելյանը Հայաստանում են լինելու ՀԲԸՄ-ի հրավերով և սիրով համաձայնվեցին հանդիպել մեր կինոգործիչների հետ և կիսվել իրենց գիտելիքներով ու փորձառությամբ:

Սիրով հրավիրում ենք Ձեզ ներկա գտնվելու այս բացառիկ հանդիպմանը:

Տեղերը սահմանափակ են: Մասնակցության համար խնդրում ենք գրանցվել այստեղ:

Շաբաթ, սեպտեմբերի 23,15:30
ՀԲԸՄ Հայաստան (Մելիք-Ադամյան 2/2)

Ավելին
Ուրբաթ, 22 Սեպտեմբերի 2017

«ՄԵՐ ԽՈՍՏՈՒՄԸ» ԵՐԱԺՇՏԱԿԱՆ ՆԵՐԿԱՅԱՑՄԱՆ ՊՐԵՄԻԵՐԱՆ

ՀԲԸՄ Հայաստանը կազմակերպում է «Մեր խոստումը» երաժշտական ներկայացման պրեմիերան` ոգեշնչված «Խոստումը» ֆիլմից:

Կենդանի համերգը տեղի կունենա սեպտեմբերի 22-ին, ժ-ը 20:00-ին, Ա. Սպենդիարյանի անվան օպերային և բալետի ազգային ակադեմիական թատրոնում:

Երեկոյի պատվավոր հյուրերն են «Խոստումը» ֆիլմի օսկարակիր ռեժիսոր Թերրի Ջորջը և պրոդյուսեր Էրիկ Իսրայելյանը:

Մուտքը միայն հրավիրատոմսերով:

Ավելին

ՀԱՄԵՐԳ. «ԴՈՒ ԻՆՉ ԵՍ ԱՆՈՒՄ ԱՐՑԱԽԻ ՀԱՄԱՐ»

«Դու ինչ ես անում Արցախի համար» արշավի շրջանակներում բազմաթիվ ծրագրեր և միջոցառումներ են կյանքի կոչվել:

ՀՀ Սփյուռքի նախարարության և ՀԲԸՄ Արգենտինայի նախաձեռնությամբ կազմակերպվել է 10 համերգներով շրջագայություն, որի եզրափակիչ համերգը կկայանա Հ. Պարոնյանի անվան երաժշտական կոմեդիայի պետական թատրոնում:

Համերգների հասույթով ձեռք բերված երաժշտական գործիքները կնվիրաբերվեն Արցախի երաժշտական դպրոցներին:

Ուրբաթ, սեպտեմբերի 22, 18:00
Պարոնյանի անվ. երաժշտական կոմեդիայի պետ. թատրոն
(Վ. Սարգսյան 7)

Ավելին
Չորեքշաբթի, 20 Սեպտեմբերի 2017

AGBU ARMENIA AND ARTBEEP TO HOLD “THREE COLOURS” ART EXHIBITION (2)

ՀԲԸՄ Հայաստանը և Artbeep-ը սիրով հրավիրում են Ձեզ ներկա գտնվելու «Երեք գույն» ցուցահանդեսի պաշտոնական բացման արարողությանը, որը կներկայացնի տարբեր սերունդների և ոճերի ներկայացուցիչ նկարիչների, որոնց գործերը միավորված են եռագույնի երանգներով։

Գույնը Հայական արվեստի հիմնական բնորոշ գծերից է, սկսված միջնադարից։ Պայծառ երանգները՝ որդան կարմիրը, լազուրե կապույտը, վառ նարնջագույնն ու դեղինը միշտ եղել են հայ նկարիչների կտավների անբաժան մասը, որոնք անգամ դարձան ազգային դրոշի շերտերը։

«Երեք գույն» ցուցահանդեսը տոնում է այս լուսավոր ավանդույթները:

սեպտեմբեր 20, 19:00
ՀԲԸՄ Հայաստանի դահլիճ, 2-րդ հարկ (2/2 Մելիք-Ադամյան փ.)

Ավելին
Ուրբաթ, 28 Հուլիսի 2017

ՀԲԸՄ «ԵՐԱԺՇՏԱԿԱՆ ՀԱՅԱՍՏԱՆ» ԾՐԱԳՐԻ ԳԱԼԱ-ՀԱՄԵՐԳ

Հայկական բարեգործական ընդհանուր միությունը պատիվ ունի Ձեզ հրավիրելու ՀԲԸՄ «Երաժշտական Հայաստան» ծրագրի մասնակիցների Գալա-համերգին:

Ուրբաթ, հուլիսի 28-ին, ժամը 18:30-ին
ՀԲԸՄ Հայաստան (Մելիք-Ադամյան 2/2)

Մուտքն ազատ է:

Ավելին
Չորեքշաբթի, 26 Հուլիսի 2017

ՀԱՄԼԵՏ MACHINE ՄՈՆՈՆԵՐԿԱՅԱՑՈՒՄ

Վ. Շեքսպիրի «Համլետ» ողբերգության և Հ. Մյուլլերի «ՀամլետMachine» աբստրակտ պիեսի մոտիվներով.

Ռեժիսոր՝ ԱՐԹՈՒՐ ՄԱԿԱՐՅԱՆ
Կոլումբիայի համալսարանի թատերական ռեժիսուրայի բաժնի շրջանավարտ, Նյու Յորքի Ջուլիարդ կոնսերվատորիայի oպերային բեմադրությունների ռեժիսոր, «Լույս» հիմնադրամի կրթաթոշակառու

Դերակատար՝ ՆԱՐԵԿ ԲԱՂԴԱՍԱՐՅԱՆ

Պարերի բեմադրող` ԱՆԻ ԱԲՐԱՀԱՄՅԱՆ
Կոմպոզիտոր և ձայնային ռեժիսոր` ԱՇՈՏ ՊԵՏՐՈՍՅԱՆ
Կոստյումների և դեկորների դիզայներ` ՀԱՅԱՐՓԻ ԽԱՉԱՏՐՅԱՆ
Գրաֆիկական դիզայներ` ԱՍՏՂԻԿԿԱՐԱՊԵՏՅԱՆ
Երգերի խոսքերի հեղինակ` ԱՆՆԱ ԴԱՆԻԵԼՅԱՆ
Խմբագիր` ԱՆԻ ՎԱՐԴԱՆՅԱՆ
Պրոդյուսեր` ԱՐՓԻՆԵ ԿԻՐԱԿՈՍՅԱՆ և ՆԵԼԼԻ ՍԵԼՅԱՆ

Երևանյան պրեմիերա՝

Հուլիսի 26-27 - ին, ժամը 20:00-ին
ՀԲԸՄ Հայաստան (Մելիք-Ադամյան 2/2)

Մուտքն ազատ է:

Ավելին
Երեքշաբթի, 25 Հուլիսի 2017

ՋԱԶ ԵՐԵԿՈ ՀՅՈՒՍՆՈՒՆՑ ՔԱՌՅԱԿԻ ՄԱՍՆԱԿՑՈՒԹՅԱՄԲ

ՀԲԸՄ Հայաստանը սիրով հրավիրում է ջազ երեկոյի Հյուսնունց քառյակի մասնակցությամբ:

Արմեն ՀՅՈՒՍՆՈՒՆՑ - սաքսոֆոն
Վահագն ՀԱԿՈԲՅԱՆ - դաշնամուր
Էդգար ՍԱՀԱԿՅԱՆ - բաս կիթառ
Նարեկ ԽԵՉՈՒՄՅԱՆ - հարվածային գործիքներ

Երեքշաբթի, հուլիսի 25-ին, ժամը 19:30
ՀԲԸՄ Հայաստան (Մելիք-Ադամյան 2/2)

Մուտքն ազատ է, տեղերը՝ սահմանափակ:

Ավելին
Հինգշաբթի, 20 Հուլիսի 2017

ՏԱՐԱԾԱԿԱՆ ԴՐՎԱԳՆԵՐ | ՑՈՒՑԱՀԱՆԴԵՍ | ԳԱՍՊԱՐ ԳԱՍՊԱՐՅԱՆ

ԳԱՍՊԱՐ ԳԱՍՊԱՐՅԱՆ (Բրազիլաբնակ լուսանկարիչ, 1899-1966), Տարածական դրվագներ, մոդեռնիստի հետադարձ հայացք, ՀԲԸՄ-ի Հայաստանում։ Համադրող՝ Ռուբեն Արեւշատյան։

«Հյուծող շտապողականության մեջ շարժվելով եւ տագնապներում հոգեմաշ լինելով՝ մարդը չի տեսնում, չի զգում, չի ընկալում այն հրաշքները, որոնք ամեն քայլափոխի, ամեն պահի եւ ամեն րոպե կյանքը պարզում է նրան»։ Գասպար Գասպարյան

ՍՏԱՆԴԱՐՏ Ժամանակակից արվեստի տրիենալեի շրջանակում Գասպար Գասպարյանի ցուցահանդեսը կդառնա հայ հասարակության առաջին ծանոթությունը 20-րդ դարի ամենանշանավոր հայազգի արվեստագետներից մեկի հետ, որի ազդեցությունը բրազիլական լուսանկարչության զարգացման գործում անգնահատելի է։

Հինգշաբթի, հուլիսի 20-ին, ժ-ը 16:00-18:00
ՀԲԸՄ Հայաստան, Մելիք-Ադամնյան 2/2

Մուտքն ազատ է:

Ավելին
 
Դուք այստեղ եք՝ Home Արխիվ 2010 Երևանյան ամառային պրակտիկայի ծրագիր

Շնորհակալություն բաժանորդագրվելու համար: