Ուրբաթ, 26 Դեկտեմբերի 2008

ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹՅՈՒՆԸ ՀԱՅԱՍՏԱՆՈՒՄ ՖՐԱՆՍԻԱԿԱՆ ՀԱՄԱԼՍԱՐԱՆԻ ՆՎԻՐԱՏՈՒ

  • Դեկտեմբերի 26, 2008
  • 16:19
 

Հայաստանում Ֆրանսիական համալսարանի կրթական ծրագրերին աջակցելու, ինչպես նաև համալսարանի գերազանց ուսանողներին ֆինանսական օգնություն ցուցաբերելու նպատակով, շարունակվում է Հայկական Բարեգործական Ընդհանուր Միության (ՀԲԸՄ) ու ֆրանսիական համալսարանի միջև համագործակցությունը: Այդ համագործակցության շրջանակներում ՀԲԸՄ-ը երկրորդ տարին անընդմեջ փոխհատուցում է համալսարանի 1-ից 4-րդ կուրսերի բակալավրի թվով 19 գերազանց ուսանողների ուսման տարեկան վարձերը ամբողջությամբ:

Հինգշաբթի, 27 Նոյեմբերի 2008

ՀԲԸՄ Երիտասարդ արհեստավարժների երևանյան խմբի ծրագիրը Գյումրու Ֆ. Նանսենի անվան մանկատան երեխաների համար

  • Նոյեմբերի 27, 2008
  • 16:21
 

16.նոյեմբեր 2008-ին Հ. Թումանյանի անվան տիկնիկային թատրոնի շենքում տեղի ունեցավ Գյումրու Ֆ. Նանսենի անվան մանկատան սաների աշխատանքների ցուցահանդես-վաճառքը: Ծրագիրը կազմակերպել էր ՀԲԸՄ ԵԱ Երևանյան խումբը:

Երկուշաբթի, 27 Հոկտեմբերի 2008

ՇԱԽՄԱՏԻ ՏՈՆ

  • Հոկտեմբերի 27, 2008
  • 16:22
 

Օրերս Երևանի Պետական Համալսարանի գլխավոր մասնաշենքի բակը անսովոր մարդաշատ էր: Հայաստանի շախմատի ֆեդերացիան ՄԱԿ-ի հայկական ասոցիացիայի և Հայկական Բարեգործական Ընդհանուր Միության համաֆինանսավորմամբ կազմակերպել էր շախմատի 4-րդ ամենամյա փառատոնը: Փառատոնի բացմանը ներկա էր նաև Հայաստանի Հանրապետության նախագահ և ՀՀ Շախմատի ֆեդերացիայի նախագահ Սերժ Սարգսյանը: Ներկաների թվում էին նաև Հայաստանում ՄԱԿ-ի Զարգացման ծրագրի համակարգող Կոնսուելո Վիդալը, ՀՀ Շախմատի Ֆեդերացիայի փոխնախագահ և Հայաստանի Շախմատի Ակադեմիայի տնօրեն, գրոսմայստեր Սմբատ Լպուտյանը, ՀՀ Սպորտի և Երիտասարդության հարցերի նախարար Արմեն Գրիգորյանը, ՀԲԸՄ Հայաստանի Ներկայացուցչության տնօրեն Աշոտ Ղազարյանը, ԵՊՀ Ռեկտոր Արամ Սիմոնյանը:

Երկուշաբթի, 06 Հոկտեմբերի 2008

Հայաստանի Գիտությունների Ազգային Ակադեմիայի վերանորոգված Հիմնարար գիտական գրադարանի բացումը

  • Հոկտեմբերի 06, 2008
  • 16:24
 

ՀԲԸՄ Նախագահ Պերճ Սեդրակյանի Հայաստան այցելության օրիրին, Սեպտեմբեր 27ին, տեղի ունեցավ Հայաստանի Գիտությունների Ազգային Ակադեմիայի Հիմնարար գիտական գրադարանի բացումը, որը վերջերս վերանորոգվել էր Հայկական Բարեգործական Ընդհանուր Միության աջակցությամբ:

Շաբաթ, 02 Օգոստոսի 2008

ՀԲԸՄ սկաուտական Ճամբար Հայաստանում

  • Օգոստոսի 02, 2008
  • 16:27
 

Սկաուտական շարժումը ՀԲԸՄ երիտասարդական ճյուղի կարևորագույն ծրագրերից է, մշակութային, սպորտային և այլ սոցիալական ծրագրերի հետ մեկտեղ: ՀԲԸՄ-ՀԵԸ առաջին սկաուտական խմբերը կազմավորվել են 1936 թվականին Լիբանանում, Սիրիայում և Եգիպտոսում: Հետագայում ՀԲԸՄ սկաուտական շարժումը տարածվեց աշխարհով մեկ ներառելով Իրանը, Իրաքը, Կիպրոսը, Հարավային Ամերիկան (Ուրուգվայ, Արգենտինա, Բրազիլիա), ինչպես նաև ԱՄՆ-ն ու Կանադան: Այսօր, ՀԲԸՄ սկաուտական ճամբար բացվեց նաև Հայաստանում:

Չորեքշաբթի, 07 Մայիսի 2008

ՀԲԸՄ Նախագահ Պերճ Սեդրակյանի այցը Հայաստան

  • Մայիսի 07, 2008
  • 16:28
 

Ապրիլի 28 - ին Պերճ Սեդրակյանը մեկ անգամ եւս շնորհավորել է Սերժ Սարգսյանին՝ ՀՀ նախագահի բարձր պաշտոնում ընտրվելու առթիվ։ Նա վստահություն է հայտնել, որ նորընտիր նախագահին կհաջողվի Հայաստանը դարձնել հայության երազների երկիրը։ Նշելով միության պատրաստակամությունը՝ իր ներդրումը բերել այդ գործում, Պերճ Սեդրակյանն ասել է, որ Հայկական բարեգործական ընդհանուր միությունն աջակցելու եւ զորավիգ է լինելու նախագահին ու նրա ազգանվեր ծրագրերին։

Երեքշաբթի, 22 Ապրիլի 2008

Հայկական Բարեգործական Ընդհանուր Միությունը հովանավորել է Շախմատի Հանրապետական Համադպրոցական Երկրորդ Օլիմպիադան

  • Ապրիլի 22, 2008
  • 16:29
 

Հայկական Բարեգործական Ընդհանուր Միությունը 20,000 ԱՄՆ դոլար նվիրատվությամբ հովանավորել է Շախմատի Հանրապետական Համադպրոցական Երկրորդ Օլիմպիադան: Այն նախաձեռնել է Հայաստանի Շախմատի Ֆեդերացիան ՀՀ Կրթության և Գիտության Նախարարության հետ համատեղ: Իր ամենօրյա աշխատանքով ու վերահսկողությամբ հատկապես մեծ է հայտնի գրոսմաստեր, ՀՀ Շախմատի Ֆեդերացիայի փոխնախագահ Սմբատ Լպուտյանի ներդրումն այս օլիմպիադայի կազմակերպման գործում: ՀԲԸՄ-ն հանդես է գալիս որպես Առաջնության կազմկոմիտեի փոխնախագահ:

Հինգշաբթի, 24 Հունվարի 2008

ՆՇՎԵՑ ԳԵՂԱՐՎԵՍՏԻ ԱԿԱԴԵՄԻԱՅԻ ԳՅՈՒՄՐՈՒ ՄԱՍՆԱՃՅՈՒՂԻ 10-ԱՄՅԱԿԸ

  • Հունվարի 24, 2008
  • 16:30
 

«Այս շենքը վերակառուցվել է «Հայաստան» համահայկական հիմնադրամի, Հայկական բարեգործական ընդհանուր միության տրամադրած եւ Լորիս Ճգնավորյանի 1991-ին Գյումրի կատարած ուխտագնացության ընթացքում ժողովրդի հավաքած գումարներով». այս ցուցանակը փակցված է Արվեստների ակադեմիա (ոչ պաշտոնական անվանմամբ) կոչվող այն շենքի վրա, որտեղ հետերկրաշարժյան դժվարին տարիներից բացվել եւ գործում են արվեստի երեւանյան երեք պետական բուհերի Գյումրու մասնաճյուղերը: Նրանցից Երեւանի գեղարվեստի ակադեմիայի մասնաճյուղը հանդիսավոր նշեց իր 10-ամյակը: Սկզբում մեկ տասնյակից պակաս ուսանողներով հիմնադրված բուհական այս օջախի այսօրվա վեց բաժիններում սովորում է 192 ապագա մասնագետ, որոնցից ոչ քչերն արդեն իսկ ճանաչում են ձեռք բերել:

 
Դուք այստեղ եք՝ Home Արխիվ 2008 Տեսանյութեր

Շնորհակալություն բաժանորդագրվելու համար: