Notice
  • Lack of access rights - File '/images/GA/cover.jpg'

ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :

------------------------------------------------------------------------------------------------------------------------------------

Notice
  • Lack of access rights - File '/images/GA/cover.jpg'

Բոլոր հոդվածները

Հինգշաբթի, 22 Սեպտեմբերի 2016

ՎԱՉԵ ՇԱՐԱՖՅԱՆԻ ՀԵՂԻՆԱԿԱՅԻՆ ԵՐԵԿՈՆ ՀԲԸՄ ՀԱՅԱՍՏԱՆԻ ԿԵՆՏՐՈՆԱՏԵՂԻՈՒՄ

ՀԲԸՄ Հայաստանը սիրով հրավիրում է Ձեզ մեր ժամանակների լավագույն կոմպոզիտորներից մեկի` Վաչե Շարաֆյանի հեղինակային երեկոյին, որի ընթացքում կհնչեն կոմպոզիտորի մի շարք դաշնամուրային ստեղծագործություններ հեղինակի կատարմամբ, ինչպես նաեւ հատվածներ "Անսահմանության չափագրումները" ջութակի եւ դաշնամուրի համար բազմամաս ստեղծագործությունից, որը կկատարվի երեկոյի հատուկ հյուր, բելգիահայ ջութակահար, պրոֆեսոր` Տիգրան Մայտեսյանի հետ:
Հինգշաբթի, սեպտեմբերի 22-ին, ժամը 19:30:
ՀԲԸՄ Հայաստան (Մելիք-Ադամյան 2/2)
Ավելին
Հինգշաբթի, 11 Օգոստոսի 2016

ՀԱՆԴԻՊՈՒՄ ԱՐԱ ԽԱՉԱԴՈՒՐՅԱՆԻ ՀԵՏ

Օգոստոսի 11-ին, ժամը 19:00-ին , Հայկական բարեգործական ընդհանուր միությունը (ՀԲԸՄ) կհյուրընկալի Մարսելաբնակ հայազգի լեռնագնաց Արա Խաչադուրյանին, ով մագլցել է աշխարհի ամենաբարձր գագաթը՝ Էվերեստը՝ ի հիշատակ Հայոց ցեղասպանության 100-րդ տարելիցին: Հանդիպման ժամանակ կցուցադրվի մագլցումը նկարագրող կարճամետրաժ ֆիլմ, որից հետո Խաչադուրյանը մասնակիցների հետ կկիսվի իր փորձառությամբ և կպատմի դրվագներ իր հետաքրքրական կյանքից:

2016թ.-ի մայիսի 23-ին, հաղթահարելով 8848 մետր բարձրությունը, Արա Խաչադուրյանը վեր խոյացրեց Հայաստանի հանրապետության և ՀԲԸՄ-ի դրոշները՝ ի նշան ՀԲԸՄ Լիբանանի սկաուտական ճամբարում ձևավորած հզոր հայրենասիրական ոգու, առաջնորդության և նպատակասլաթության: Բաց մի թողեք այս բացառիկ հնարավորությունը՝ հանդիպելու աշխարհի ամենաբարձր կետը՝ Էվերեստը, հաղթահարած հայազգի լեռնագնացին: 

Ավելին
Կիրակի, 03 Հուլիսի 2016

ԱՄԵՐԻԿԱՑԻ ՀԱՆՐԱՀԱՅՏ ՋԱԶ ԵՐԳՉՈՒՀԻ ՇԵՐՈՆ ՔԼԱՐՔԻ ՎԱՐՊԵՏՈՒԹՅԱՆ ԴԱՍԸ ՀԲԸՄ ՀԱՅԱՍՏԱՆԻ ԿԵՆՏՐՈՆԱՏԵՂԻՈՒՄ

ՀՀ-ում ԱՄՆ դեսպանությունը, Ջազի հայկական ասոցիացիան և Հայկական Բարեգործական Ընդհանուր Միությունը (ՀԲԸՄ) սիրով հրավիրում են բոլորին ամերիկացի հանրահայտ ջազ երգչուհի Շերոն Քլարքի վարպետության դասին: Բոլոր մասնակիցներին խնդրում ենք ներկայանալ ջազային երկու ընտրված երգերի՝ 1 ռիթմիկ և 1 բալլադ, նոտաների երկուական օրինակներով: Միջոցառումը տեղի կունենա հուլիսի 3-ին, ժամը 13:00-ին ՀԲԸՄ Հայաստանի կենտրոբատեղիում (Մելիք-Ադամյան 2/2): 
Բաց մի թողեք այս բացառիկ հնարավորությունը:
Ավելին
Հինգշաբթի, 30 Հունիսի 2016

«ՀԱՅԱՍՏԱՆԸ ՍԵՐՈՒՆԴՆԵՐԻ ԱՉՔԵՐՈՎ» ՑՈՒՑԱՀԱՆԴԵՍԸ ՀԲԸՄ ՀԱՅԱՍՏԱՆԻ ԿԵՆՏՐՈՆԱՏԵՂԻՈՒՄ

Սիրով հրավիրում ենք Ձեզ մասնակցելու «ՀԱՅԱՍՏԱՆԸ ՍԵՐՈՒՆԴՆԵՐԻ ԱՉՔԵՐՈՎ» ցուցահանդեսի հանդիսավոր բացմանը։ Կներկայացվեն 40 ժամանակակից հայ նկարիչների լավագույն աշխատանքները, որոնցում պատկերված մարդիկ, առարկաները, բնությունը, մտքերը, հիշողություններն ու զգացմունքները բացահայտում են մեր երկրի տարբեր կողմերը։ Ցուցահանդեսը տեղի կունենա Հունիսի 30-ին, ժամը 19:00-ին ՀԲԸՄ Հայաստանի դահլիճում (Մելիք-Ադամյան 2/2):
Ավելին
Չորեքշաբթի, 29 Հունիսի 2016

ԱՇԽԱՐՀԱՀՌՉԱԿ ԿԻՆՈՌԵԺԻՍՈՐ ԱՆՐԻ ՎԵՐՆՈՅԻ «ՕՁԸ» ԼՐՏԵՍԱԿԱՆ ԹՐԻԼԼԵՐԻ ՑՈՒՑԱԴՐՈՒԹՅՈՒՆԸ ՀԲԸՄ ՀԱՅԱՍՏԱՆԻ ԿԵՆՏՐՈՆԱՏԵՂԻՈՒՄ

ՀԲԸՄ Հայաստանը սիրով հրավիրում է բոլորին աշխարհահռչակ կինոռեժիսոր Անրի Վերնոյի 1973թ.-ին նկարահանած «Օձը» լրտեսական թրիլլերի դիտմանը: Ֆիլմում նկարանահանվել է 70-ականների մի ամբողջ աստղաբույլ, իսկ ֆիլմի երաժշտության հեղինակն է հանրահայտ Էնիո Մորիկոնեն: Ցուցադրությանը կհաջորդի նաև հանդիպում և քննարկում Անրի Վերնոյի որդու՝ Պատրիկ Մալաքյանի հետ: Միջոցառումը տեղի կունենա hունիսի 29-ին, ժամը 19:30-ին ՀԲԸՄ Հայաստանի գրասենյակում (Մելիք-Ադամյան 2/2):

Ֆիլմի տևողությունը՝ 113 րոպե
Լեզուն՝ անգլերեն, ֆրանսերեն, իսպաներեն
Ենթագրեր՝ անգլերեն
Մուտքն ազատ է: Բաց մի թողեք այս բացառիկ հնարավորությունը:

Ավելին

ԱՇԽԱՐՀԱՀՌՉԱԿ ԴԱՍԱԿԱՆ ԿԻԹԱՌԱՀԱՐ ՀՅՈՒԲԵՐԹ ՔԵՓՓԵԼԻ (ԳԵՐՄԱՆԻԱ) ՎԱՐՊԵՏՈՒԹՅԱՆ ԴԱՍԸ ՀԲԸՄ ՀԱՅԱՍՏԱՆԻ ԿԵՆՏՐՈՆԱՏԵՂԻՈՒՄ

Երևանի կիթառահարների ասոցիացիան, Վուպպերտալի միջազգային կիթառի ասոցիացիան և Հայկական Բարեգործական Ընդհանուր Միությունը (ՀԲԸՄ) սիրով հրավիրում են բոլորին աշխարհահռչակ դասական կիթառահար Հյուբերթ Քեփփելի (Գերմանիա) վարպետության դասին: Վարպետության դասը կանցկացվի 2-րդ Երևանյան միջազգային կիթառի փառատոնի շրջանակներում հունիսի 29-ին, ժամը 13:00-ին ՀԲԸՄ Հայաստանի կենտրոնատեղիում (Մելիք-Ադամյան 2/2):

Սիրով սպասում ենք բոլորիդ:

Ավելին
Ուրբաթ, 24 Հունիսի 2016

ՋԱԶԱՅԻՆ ԵՐԵԿՈ ՎԱՀԱԳՆ ՀԱՅՐԱՊԵՏՅԱՆԻ ԵՎ ԿԻԹԱՌԱՀԱՐ ԱԼԵՔՍ ԲԱԲՈՅԱՆԻ ՄԱՍՆԱԿՑՈՒԹՅԱՄԲ

ՀԲԸՄ Հայաստանում շարունակվում են երաժշտական երեկոները: Մի փոքր դադար դասականից և անցում ջազին: Եվ մեր առաջին ջազային երեկոն մեզ կպարգևեն մեր շատ սիրելի ու անկրկնելի Վահագն Հայրապետյանը և ԱՄՆ-ից ժամանած երիտասարդ ու չափազանց տաղանդավոր կիթառահար Ալեքս Բաբոյանը:
Ուրբաթ, հունիսի 24-ին, ժամը 20:00
ՀԲԸՄ Հայաստան (Մելիք-Ադամյան 2/2)
Մուտքն ազատ է: Տեղերը սահմանափակ:
Ավելին
Երեքշաբթի, 21 Հունիսի 2016

ՀԲԸՄ «ԿԱՆԱՉ ԶՐՈՒՅՑՆԵՐ» ՇԱՐՔԻ ՀԵՐԹԱԿԱՆ ՀԱՆԴԻՊՄԱՆԸ՝ «ԱՆՏԱՌՏՆԿՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ ՀԱՅԱՍՏԱՆՈՒՄ ԵՎ ԱՄՆ-ՈՒՄ» ԹԵՄԱՅՈՎ

ՀԲԸՄ Հայաստանը և «Էյ Թի Փի» բարեգործական հիմնադրամը սիրով հրավիրում են Ձեզ ՀԲԸՄ «Կանաչ Զրույցներ» շարքի հերթական հանդիպմանը՝ «ԱՆՏԱՌՏՆԿՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ ՀԱՅԱՍՏԱՆՈՒՄ ԵՎ ԱՄՆ-ՈՒՄ» թեմայով: ՀԲԸՄ Հայաստանը շարունակում է բնապահպանության թեմաներով «Կանաչ Զրույցներ» նախաձեռնությունը: Այս շարքի երրորդ հանդիպումը տեղի կունենա հունիսի 21-ին, ժամը 19:00-ին ՀԲԸՄ Հայաստանի դահլիճում (հասցեն՝ Մելիք-Ադամյան 2/2):

 

Ավելին
Երեքշաբթի, 24 Մայիսի 2016

ՎԱՐՊԵՏՈՒԹՅԱՆ ԴԱՍ ՎԱՐԴԱՆ ՕՎՍԵՓՅԱՆԻ ՀԵՏ

ԱՄՆ-ից ժամանած ճանաչված դաշնակահար Վարդան Օվսեփյանի երևանյան շրջագայության շրջանակներում, Հայկական Բարեգործական Ընդհանուր Միությունը (ՀԲԸՄ) և TM Production-ը սիրով հրավիրում են բոլոր ուսանողներին ու երաժշտասերներին մասնակցելու Վարդանի վարպետության դասին: Բաց մի թողեք մեր օրերի լավագույն երաժիշտներից մեկի հետ շփվելու, նրա ստեղծագործական ուղու և հմտությունների հետ ծանոթանալու այս բացառիկ հնարավորությունը: Երեքշաբթի, մայիսի 24-ին, ժամը 15:00-ին ՀԲԸՄ Հայաստանի դահլիճում (Մելիք-Ադամյան 2/2):

Մուտքն ազատ է, տեղերը սահմանափակ են:

Ավելին
Երեքշաբթի, 17 Մայիսի 2016

ԴԱՍԱԿԱՆ ԵՐԱԺՇՏՈՒԹՅԱՆ ԵՐԵԿՈ ՎԱՀԱՆ ՄԱՐՏԻՐՈՍՅԱՆԻ ՀԵՏ

Հայկական բարեգործական ընդհանուր միությունը սիրով հրավիրում է Ձեզ դասական երաժշտության երեկոյի՝ մասնակցությամբ Հայաստանի պետական կամերային նվագախմբի գեղարվեստական ղեկավար և գլխավոր դիրիժոր մաեստրո Վահան Մարտիրոսյանի, որը տեղի կունենա մայիսի 17-ին, ժամը 19:30-ին ՀԲԸՄ Հայաստանի կենտրոնատեղիում: Մուտքը միայն հրավիրատոմսերով: Տեղերը սահմանափակ են:
Ավելին
 
Դուք այստեղ եք՝ Home Արխիվ 2007 ԵԱ Երևան

Շնորհակալություն բաժանորդագրվելու համար: