Բոլոր հոդվածները

Չորեքշաբթի, 12 Հուլիսի 2017

ՎԱՐՊԵՏՈՒԹՅԱՆ ԴԱՍ ՌՈՒԻ ՆՈՒԳԵՅՐԱՅԻ ՀԵՏ

ՌՈՒԻ ՆՈՒԳԵՅՐԱ (Գրող / Կինոպատմաբան, Ֆրանսիա)

Ռուի Նուգեյրան հեղինակել է «Ֆրանսիացի ռեժիսոր Ժան-Պիեռ Մելվիլ» գիրքը և խոսելու է անվանի կինոգործչի մասին:

Ժան-Պիեռ Մելվիլ (1917- 1973) Թեև Ժան-Պիեռ Մելվիլին գլխավորապես հիշում են 1960-ական թթ. նկարահանած լարված և լակոնիկ գանգստերյան ֆիլմերով, կարիերայի սկզբում վերջինիս ֆիլմագրությունն ավելի բազմազան էր և ներառում էր պատերազմական դրամաներ, հոգեսեքսուալ կերպարների պատկերում, ինչպես նաև համագործակցություն Ժան Կոկտոյի հետ:

Ժան-Պիեռ Գրումբաղը (ռեժիսորն իր անունը փոխել է Մելվիլ՝ հարգանքի տուրք մատուցելով Մոբի Դիկի հեղինակին) մասնակցել է Երկրորդ համաշխարհային պատերազմին՝ նախ ֆրանսիական, ապա Դիմադրության բանակի կազմում և հենց այս փորձն է շատ հաճախ ոգեշնչել վերջինիս ֆիլմեր նկարահանելիս:

Չորեքշաբթի, հուլիսի 12, 2017, ժամը 15:00-ին
ՀԲԸՄ Հայաստան (2/2 Մելիք-Ադամյան փ.)

Մուտքն ազատ է:

Ավելին
Երեքշաբթի, 11 Հուլիսի 2017

ՎԱՐՊԵՏՈՒԹՅԱՆ ԴԱՍ ԻԼԴԻԿՈ ԷՆՅԵԴԻԻ ՀԵՏ

ԻԼԴԻԿՈ ԷՆՅԵԴԻ (Ռեժիսոր, Հունգարիա)

Կարիերան սկսել է որպես կոնցեպտուալ և մեդիա արվեստագետ: Անդամակցել է «Ինդիգո» արվեստի խմբին և «Բելա Բալաժ» ստուդիային, որը մինչև 1989-ը Արևելյան Եվրոպայի միակ անկախ կինոստուդիան էր: Հետագայում տարվել է ռեժիսուրայով` իր սցենարների հիման վրա նկարահանելով հինգ խաղարկային և բազմաթիվ կարճամետրաժ ֆիլմեր, որոնք նրան քառասունից ավելի միջազգային մրցանակներ են բերել:

Վարպետության դասերով հանդես է գալիս Եվրոպայում (Շվեյցարիա, Լեհաստան) և դասավանդում Բուդապեշտի կինոյի և թատրոնի համալսարանում: 2011-ին գերազանցությամբ դոկտորական առտենախոսություն է պաշտպանել տրանսմեդիայի ոլորտում «Հորինված աշխարհներ. տեխնիկայի և երևակայության փոխհարաբերությունը շարժապատկերներում» թեմայով:

Երեքշաբթի, հուլիսի 11, 2017, ժամը 15:00-ին
ՀԲԸՄ Հայաստան (2/2 Մելիք-Ադամյան)

Մուտքն ազատ է:

Ավելին
Երկուշաբթի, 10 Հուլիսի 2017

ԱՐՄԵՆԻԱ ՄԻՋԱԶԳԱՅԻՆ ԵՐԱԺՇՏԱԿԱՆ ՓԱՌԱՏՈՆ

Արմենիա միջազգային երաժշտական փառատոնի շրջանակներում սիրով հրավիրում ենք Ձեզ ներկա գտնվելու Աբգար Մուրադյանի անվան դուետի համերգին:
Համերգը տեղի կունենա՝


Երկուշաբթի, հուլիսի 10-ին, ժամը 20:00-ին
ՀԲԸՄ Հայաստան (Մելիք-Ադամյան 2/2)

Մուտքն ազատ է:

Ավելին

ՎԱՐՊԵՏՈՒԹՅԱՆ ԴԱՍ ԲՈՐԻՍ ԽԼԵԲՆԻԿՈՎԻ ՀԵՏ

ԲՈՐԻՍ ԽԼԵԲՆԻԿՈՎ (Ռեժիսոր, Ռուսաստան)

Երկու տարի կենսաբանություն է ուսանել Մոսկվայի պետական մանկավարժական համալսարանում, նախքան կընդունվեր Մոսկվայի կինեմատոգրաֆիայի պետական ինստիտուտ (ВГИК): Այնտեղ Ալեքսեյ Պոպոգրեբսկու հետ նկարահանել է «Անցողակի» կարճամետրաժ ֆիլմը:

Հետագայում ինքնուրույն նկարահանել է «Խորամանկ գորտը» կարճամետրաժը: Խլեբնիկովի առաջին խաղարկային լիամետրաժ ռեժիսորական աշխատանքը «Կոկտեբել» ֆիլմն էր, որը ստեղծվել է դարձյալ Ալեքսեյ Պոպոգրեբսկու համագործակցությամբ:

Երկուշաբթի, հուլիսի 10, 2017, ժամը 15:00-ին
ՀԲԸՄ Հայաստան (Մելիք - Ադամյան 2/2)

Մուտքն ազատ է:

Ավելին
Ուրբաթ, 07 Հուլիսի 2017

ԹՎԱՅԻՆ և ՏՎՅԱԼՆԵՐԻ ՌԱԶՄԱՎԱՐՈՒԹՅՈՒՆ` ԱՌԱՎԵԼ ԱՐԴՅՈՒՆԱՎԵՏ ԱԶԴԵՑՈՒԹՅԱՆ ՀԱՄԱՐ

Հայկական բարերարության ծավալման հետ մեկտեղ հասարակական կազմակերպությունները շարունակում են ընդլայնվել և մեծացնել ազդեցությունը հայաստանյան քաղաքացիական հասարակության վրա: Տեխնոլոգիաների կիրառումը կօգնի բարելավել քաղաքացիական հասարակության կազմակերպությունների ղեկավարումը, իրազեկումն ու արդյունավետությունը: Հայկական բարեգործական ընդհանուր միության ՔՀ Կամուրջ ծրագրի կողմից վերջերս իրականացված ՔՀԿ-ների կարիքների գնահատման արդյունքում պարզվել է, որ տեղեկատվական տեխնոլոգիաների կիրառումը հայաստանյան ՔՀԿ-ների առաջնային կարիքներից մեկն է:

Քննարկման ընթացքում անդրադարձ կկատարվի հետևյալ հարցերին.

1. Ի՞նչ է թվային ռազմավարությունը և ինչու՞ է այն կարևոր հաջողության հասնելու համար:

2. ՔՀԿ-ները տվյալների ռազմավարության, ղեկավարման և կառավարման ինչպիսի՞ տարրեր պետք է հաշվի առնեն:

Միշել Մուռը`GrantBook կազմակերպության գործադիր տնօրենը, կներկայացնի ամերիկյան հասարակական կազմակերպությունների փորձը վերոնշյալ ոլորտներում: Միջոցառումն համատեղ իրականացվում է Impact Hub-ի, GrantBook-ի և ՀԲԸՄ Հայաստանի` Եվրամիության կողմից ֆինանսավորվող ՔՀ Կամուրջ ծրագրի կողմից:

Ավելին
Հինգշաբթի, 06 Հուլիսի 2017

«PIERROT LE FOU» ՖԻԼՄԻ ՑՈՒՑԱԴՐՈՒԹՅՈՒՆԸ ՀԲԸՄ ՀԱՅԱՍՏԱՆՈՒՄ

Ֆրանսիական դասական կինո
1-ին եթերաշրջան
Հայկական Ալիանս Ֆրանսեզ- ՀԲԸՄ Երևան - AFG Film Club - Institut Français

Pierrot le fou (վերականգնված տարբերակ)
Jean-Luc Godard - France - 1965 - 112 րոպե
Դերերում՝ Jean-Paul Belmondo, Anna Karina, Raymond Devos

Սինոպսիս. Ֆերդինանդ Գրիֆոնը, ով ամուսնացած է մի հարուստ կնոջ հետ, ձանձրանում է բարձր հասարակության միջավայրում, ուր նրան տանում է կինը: Մի երեկույթի ժամանակ նա հանդիպում է Մարիանին՝ մի երիտասարդ ուսանողուհու, ում հետ ծանոթացել է հինգ տարի առաջ: Թողնելով կնոջը՝ նա այդ գիշերն անցկացնում է Մարիանի տանը՝ որոշելով այլևս չգնալ այդտեղից: Կինը ապահարզան է պահանջում: Մարիանը՝ խառնված լինելով մութ պատմությունների մեջ, մի օր դիակ է գտնում իրենց բնակարանում: Սիրեկանները փախուստի են դիմում հանգուցյալի մեքենայով՝ դեպի Կոտ դ’Ազյուր, ուր Մարիանը ցանկություն է հայտնում գտնել իր եղբորը: Առանց գումարի, նրանք հարձակվում են մի գազալցակայանի վրա: Մարիանը սկսում է իր սիրեկանին «Պիերո» անվանել: Արկածները նրանց հասցնում են ծովի ափ...

Ֆիլմը կցուցադրվի օրիգինալ լեզվով (ֆրանսերեն)՝ անգլերեն ենթագրերով:
Մուտքն ազատ է:

Միջոցառումը տեղի կունենա հուլիսի 6-ին, ժամը 19:00-ին ՀԲԸՄ Հայաստանի դահլիճում (Մելիք-Ադամյան 2/2):

Ավելին
Չորեքշաբթի, 05 Հուլիսի 2017

3-ՐԴ ԵՐԵՎԱՆՅԱՆ ՄԻՋԱԶԳԱՅԻՆ ԿԻԹԱՌԻ ՓԱՌԱՏՈՆ

3-րդ Երևանյան միջազգային կիթառի փառատոնի շրջանակներում սիրով հրավիրում ենք Ձեզ ներկա գտնվելու կիթառային երեկոյի՝ Վլադիմիր Կիրասիրովի (Ռուսաստան) մասնակցությամբ:

Համերգը տեղի կունենա՝

Չորեքշաբթի, հուլիսի 5-ին, ժանը 19։00-ին
ՀԲԸՄ Հայաստան (Մելիք - Ադամյան 2/2)

Մուտքն ազատ է:

Ավելին
Երկուշաբթի, 03 Հուլիսի 2017

ՄԱՇՏՈՑ-ԿՈՄԻՏԱՍ ՀԱՄԵՐԳԱՅԻՆ ՆԱԽԱԳԾԻ ՇՆՈՐՀԱՆԴԵՍ

ՀԲԸՄ Հայաստանը կազմակերպում է հերթական գեղեցիկ երաժշտական երեկոն, որով կմեկնարկի նոր համերգային նախագիծ Հայաստանում:

Վահան Արծրունի

ՄԱՇՏՈՑ-ԿՈՄԻՏԱՍ 
համերգային նախագծի շնորհանդես

«ՄԱՇՏՈՑ. ՍՐԲԱԶԱՆ ՄԱՐԳԱՐԻՏՆԵՐ»
Սուրբ Մեսրոպ Մաշտոցի V դարի շարականները Վ.Արծրունու մեկնությամբ

«ԿՈՄԻՏԱՍ. ՏԱՍԸ ՀԱՅՏՆՈՒԹՅՈՒՆ»
երգաշար՝ գրված Կոմիտասի բանաստեղծությունների հիման վրա
երաժշտություն՝ Վահան Արծրունի

Այս համերգային նախաձեռնությունը բնութագրվում է իբրև ԱԶԳԱՅԻՆ ՆԱԽԱԳԻԾ, քանի որ դրանում առկա է ազգային պատմական նյութի և ժամանակակից երաժշտական լեզվամտածողության համադրությունը՝ XXI դարին համահունչ երաժշտական լուծումներով. Մաշտոցյան շարականը ու կոմիտասյան քնարերգությունը կամրջվելով կոմպոզիտոր, կատարող Վահան Արծրունու ստեղծագործությամբ՝ աշխարհին է ներկայացնում մեր գանձերը ուրույն կերպով և հաղորդում դրանց նոր շունչ և հնչեղություն։

Երկուշաբթի, հուլիսի 3-ին, ժամը 19:30-ին
ՀԲԸՄ Հայաստան (Մելիք-Ադամյան 2/2)

Ավելին
Շաբաթ, 01 Հուլիսի 2017

ԴԻԶԱՅՆ, ՈՃ, ՔԱՂԱՔԱԿՐԹՈՒԹՅՈՒՆ, ԺԱՄԱՆԱԿԱԿԻՑ ԴԻԶԱՅՆԻ ՄԱՐՏԱՀՐԱՎԵՐՆԵՐԸ ՀԱՅԱՍՏԱՆՈՒՄ

ԴԻԶԱՅՆ, ՈՃ, ՔԱՂԱՔԱԿՐԹՈՒԹՅՈՒՆ
ԺԱՄԱՆԱԿԱԿԻՑ ԴԻԶԱՅՆԻ ՄԱՐՏԱՀՐԱՎԵՐՆԵՐԸ ՀԱՅԱՍՏԱՆՈՒՄ

Զրույց-քննարկում Միսակ Խոստիկյանի (ճարտարապետ, փիլիսոփա, արվեստի պատմության դասախոս ԵՊՀ-ում), Էդիկ Պողոսյանի (գրաֆիկական դիզայներ), Արի Հաճյանի (ճարտարապետ), Ստեփան Ազարյանի (դիզայներ, “Backbone Branding”-ի գեղարվեստական տնօրեն) և Նորա Գալֆայանի (գրաֆիկական դիզայներ) հետ։

Վարող` Վիգեն Գալստյան (արվեստաբան, համադրող)

Այս քննարկման հիմնական նպատակն է անդրադառնալ Հայաստանում ծավալվող դիզայնի պրակտիկաներին` շեշտադրելով այն կոնցեպտուալ, էսթետիկ և տնտեսական մարտահրավերները, որոնք առկա են թե՛ մասնավոր, թե՛ հանրային տիրույթներում: Քննարկման ժամանակ մեր ուշադրության կենտրոնում մասնավորապես կլինի դիզայնի հասարակական և քաղաքական նշանակությունը, ինչպես և դիզայնի կարևոր դերը` զարգացող քաղաքացիական հարաբերությունների և հավաքական ինքնության ընկալումների ձևավորման համար: Այլ կերպ ասած, կարո՞ղ է դիզայնն թելադրել թե ով ենք մենք և որտեղ ենք գնում։

Հուլիսի 1-ին, ժանը 19։00-ին
Երևանի ափերում
ՀԲԸՄ Հայաստան (Մելիք Ադամյան 2/2)

Ավելին
Երկուշաբթի, 26 Հունիսի 2017

«ԱՆԱՊԱՏԻ ՏԽՈՒՐ ՄԵՂԵԴԻՆ. ԲԵՏՈՒԻՆ ՀԱՅԵՐԸ ՆՈՒՐՀԱՆ ՊԱԼԵԱՆԻ ԼՈՒՍԱՆԿԱՐՆԵՐՈՒՄ» ԳՐՔԻ ՇՆՈՐՀԱՆԴԵՍ

Բոլորովին վերջերս, ՀԲԸՄ Սիրիայի շրջանակային հանձնաժողովն ու ՀԲԸՄ Հիմնադրամ (Հայաստան)-ը հրատարակեցին «Անապատի տխուր մեղեդին. Բետուին հայերը Նուրհան Պալեանի լուսանկարներում» ալբոմը: Նկարաշարը, որ պետք է լույս տեսներ Հալեպում՝ Հայոց ցեղասպանության 100-րդ տարելիցի առիթով, հասկանալի պատճառներով հրատարակվեց Երևանում: Ալբոմը հրատարակության է պատրաստել Հրազդան Թոքմաճյանը, ով ի մի է բերել հալեպահայ հայտնի լուսանկարիչ Նուրհան Պալյանի նկարները, որոնք ներկայացնում են ցեղասպանությունից հետո արաբացած, բեդվինների մոտ ապաստան գտած հայերին: Կան նաև նրանց կյանքն ու կենցաղը, ինչպես նաև Տեր-Զորն ու նրա շրջակայքը ներկայացնող լուսնկարներ: Սիրով հրավիրում ենք Ձեզ մասնակցելու «Անապատի տխուր մեղեդին. Բետուին հայերը Նուրհան Պալեանի լուսանկարներում» գրքի շնորհանդեսին:

Երկուշաբթի, հունիսի 26-ին, ժամը 17:00-ին
ՀԲԸՄ Հայաստան (Մելիք-Ադամյան 2/2)
Մուտքն ազատ է:

Ավելին
 
Դուք այստեղ եք՝ Home Արխիվ 2007 Ցուցասրահ

Շնորհակալություն բաժանորդագրվելու համար: