«ՕՏԱՐ, ԱՄԱՅԻ ՃԱՄՓԵՔԻ ՎՐԱ»

 

Արդեն 10 տարի է, ինչ ՀԲԸՄ-ն ֆինանսավորում է «Օտար, ամայի ճամփեքի վրա» և «Մերոնք» հաղորդաշարերը, որոնք եթեր են հեռարձակվում Հայաստանի Հանրային հեռուստատեսությամբ։ Անցնող տարիներին ծրագիրը անդրադարձել է աշխարհի ավելի քան 60 երկրների ու դրանցում ապրող հայ համայնքների կյանքին։ Ռաֆայել Հովհաննիսյանի վարած հաղորդումը արժանացել է բազմաթիվ պարգևների, մրցանակների ու հեռուստադիտողների բարձր գնահատանքին։

ՑԵՂԱՍՊԱՆՈՒԹՅԱՆ ԹԱՆԳԱՐԱՆ

 

Հայոց ցեղասպանության միջազգայնացման, ինչպես նաև ցեղասպանությանը վերաբերող հայտնի ու անհայտ նյութերի թվայնացման ծրագրերին նպաստելու նպատակով, ՀԲԸՄ-ն համակարգիչներ, կրիչներ, սկաներներ և տպիչներ է նվիրել Հայոց ցեղասպանության թանգարան-ինստիտուտին։ Շնորհիվ 10 անուն տեխնիկայի, թվայնացվում և համացանցում տեղադրվում են թանգարանում պահվող բոլոր փաստաթղթերն ու արխիվը։ ՀԲԸՄ-ն նպաստում է նաև թանգարան-ինստիտուտի գիտական ֆոնդերի հարստացմանը։ 2009 թ. ՀԲԸՄ Լոս Անջելեսի Երիտասարդ արհեստավարժների հանգանակած գումարով ձեռք են բերվել 150 արժեքավոր թանգարանային միավորներ, այդ թվում՝ 75 միավոր հազվագյուտ սկզբնաղբյուրային գրականություն, որոնցից 30-ը` եզակի նշանակության հնատիպ հրատարակություններ։ ՀԲԸ Միությունը 1995 թ. մեծ ներդրում էր ունեցել թանգարան-ինստիտուտի կառուցման գործում։

ՀԱՅ ԳՐԱԿԱՆՈՒԹՅԱՆ ՈՒ ՀԱՅԱԳԻՏՈՒԹՅԱՆ ԶԱՐԳԱՑՄԱՆՆ ՈՒՂՂՎԱԾ ԾՐԱԳՐԵՐ

 

ՄԱՏԵՆԱԴԱՐԱՆ

ՀԲԸՄ-ն մշտապես աջակցել է Մ. Մաշտոցի անվան Մատենադարանին: 2007 թ. միությունը ֆինանսավորել էր Մաշտոցի անվան Մատենադարանի հայերեն ձեռագրերի Մայր ցուցակի Գ հատորի, ինչպես նաև «Բանբեր Մատենադարանի» հրատարակությունները։ Մեծապես կարևորելով Մատենադարանի երիտասարդ գիտնականների պատրաստման ու որակավորման, ինչպես նաև հետազոտական ծրագրերի խթանման գործը, ՀԲԸՄ 2014թ.-ից տարեկան կրթաթոշակներ է տրամադրում Մատենադարանի 8 երիտասարդ ասպիրանտների, որոնք աշխատում են Մատենադարանի թվայնացման, արվեստի պատմության ու գրչության, արաբատառ ձեռագրերի ուսումնասիրման, միջազգային կապերի, արխիվային փաստաթղթերի պահպանման և գիտական մշակման բաժիններում: ՀԲԸՄ-ն հովանավորներից էր 2014թ. Հայագիտական Ուսումնասիրությունների Միջազգային Ընկերակցության (AIEA/ՀՈՒՄԸ) հերթական 13-րդ համաժողովի, որն առաջին անգամ լինելով իր աշխատանքներն անցկացնում էր Երևանում: էր.

ԳՐԱՀՐԱՏԱՐԱԿՉՈՒԹՅՈՒՆ

Միության աջակցության շնորհիվ լույս են տեսել հայ գրականության ժամանակակից արձակի, պոեզիայի ու թատերգության անգլերեն թարգմանությունների ժողովածուները։ Ակադեմիայի Մ. Աբեղյանի անվան Գրականության ինստիտուտի հետ համա-տեղ` միության հատկացումների շնորհիվ հրատարակվել են սփյուռքահայ հայտնի գրող Լևոն-Զավեն Սյուրմելյանի «98.60» և «Արձակի տեխնիկա. չափ և խենթություն» գործերի հայերեն թարգմանություններն ու Էդուարդ Մելքոնյանի` ՀԲԸՄ-ի պատմությանը նվիրված ռուսերեն աշխատությունը։ Լույս է տեսնել նաև Ավետիք Իսահակյանի երկերի գիտական 2-րդ հատորը։ Շարունակելով իր ավանդական աջակցությունը գրահրատարակչական գործին` ՀԲԸՄ-ն, Հայաստանի գրողների միության հետ համատեղ, նախաձեռնեց ամերիկահայ անվանի գրող Լևոն-Զավեն Սյուրմելյանի անվան տպագրատան հիմնումը։ Բոլոր անհրաժեշտ սարքավորումներն ու տպագրական մեքենաները ձեռք են բերվել ՀԲԸՄ «Լևոն Զ. Սյուրմելյան» հիմնադրամի միջոցներով։ Հայ գրականության զարգացմանն ուղղված իր ծրագրերի շրջանակներում ՀԲԸՄ-ն աջակցել է նաև Երևանում գումարված Հայ գրողների համահայկական և Օտարագիր հայ գրողների համաժողովներին։ Միության հովանավորությամբ տպագրվում է «Արդի հայ արձակը» անգլերեն ժողովածուն: Գրահրատարակչական ծրագրերի շրջանակներում ՀԲԸՄ-ի հովանավորությամբ Երևանում լույս տեսավ պատմաբան, պրոֆ. Ջորջ Բուռնությանի «Հայ ժողովրդի համառոտ պատմություն» անգլերեն աշխատության հայերեն հրատարակությունը:

ԳՅՈՒՄՐԻԻ ԱՐՎԵՍՏՆԵՐԻ ԱԿԱԴԵՄԻԱ

 

Երկրաշարժից անմիջապես հետո Շիրակի մարզում ՀԲԸՄ-ի իրականացրած մարդասիրական ու շինարարական բազմաթիվ ծրագրերի մեջ կարևոր նախաձեռնություն էր 1997-ին Գյումրիի արվեստների ակադեմիայի շենքի կառուցումը։ Ակադեմիայի շենքում են տեղակայված Երևանի պետական կոնսերվատորիայի, կինոյի և թատրոնի պետական ինստիտուտի և գեղարվեստի ակադեմիայի Գյումրու մասնաճյուղերը։ Տարիներ շարունակ ՀԲԸՄ-ն կրթաթոշակներ է տրամադրել ակադեմիայի տաղանդավոր և կարիքավոր ուսանողներին` առ այսօր շարունակելով իր աջակցությունը Գյումրիի արվեստների ակադեմիային։ Միությունը Գյումրիի արվեստների ակադեմիայի կազմակերպած «Վերածնունդ» երաժիշտ-կատարողների միջազգային ամենամյա մրցույթ-փառատոնի հովանավորներից է։ Արդեն վեց տարի շարունակ Հայաստանի մշակութային մայրաքաղաք Գյումրին վերածվում է համաշխարհային մշակութային կենտրոնի: Փառատոնին մասնակցում են երիտասարդ տաղանդավոր երաժիշտ-կատարողներ ու արվեստագետներ աշխարհի բոլոր կողմերից:

ՀԱՅԿԱԿԱՆ ՀՈՒՇԱՐՁԱՆՆԵՐԻ ԺԱՌԱՆԳՈՒԹՅԱՆ ՊԱՀՊԱՆՄԱՆ ԵՎ ԱՐԽԻՎՆԵՐԻ ԹՎԱՅՆԱՑԱՆ «ԱՐՄԵՆԻԱԿԱ» ԾՐԱԳԻՐ

Եվրոպական երեք գործընկերների` Հայկական Բարեգործական Ընդհանուր Միության (ՀԲԸՄ) Ֆրանսիայի մասնաճյուղի, Հայկական մշակույթի ուսումնասիրության և վավերագրության կենտրոնի (CSDCA-Իտալիա), Ինսայդ Յուրոփ (Բելգիա) և Հայկական ճարտարապետության ուսումնասիրության հիմնադրամ (ՀՃՈՒՀ) միջև համագործակցության արդյունքում...

Ավելին՝ ՀԱՅԿԱԿԱՆ ՀՈՒՇԱՐՁԱՆՆԵՐԻ ԺԱՌԱՆԳՈՒԹՅԱՆ ՊԱՀՊԱՆՄԱՆ ԵՎ ԱՐԽԻՎՆԵՐԻ ԹՎԱՅՆԱՑԱՆ «ԱՐՄԵՆԻԱԿԱ» ԾՐԱԳԻՐ

 
Դուք այստեղ եք՝ Home Արխիվ Content Project Մշակույթ

Շնորհակալություն բաժանորդագրվելու համար: