ՑԵՂԱՍՊԱՆՈՒԹՅԱՆ ՀԱՆՑԱԳՈՐԾՈՒԹՅՈՒՆԸ ԿԱՆԽԱՐԳԵԼԵԼՈՒ ԵՎ ՊԱՏԺԵԼՈՒ ՄԱՍԻՆ ՄԱԿ-Ի ԿՈՆՎԵՆՑԻԱՅԻ ԸՆԴՈՒՆՄԱՆ 70-ԱՄՅԱԿԻՆ ՆՎԻՐՎԱԾ ՀԱՄԵՐԳ ԵՐԵՎԱՆՈՒՄ

Դեկտեմբերի 9-ին Երևանում՝ Արամ Խաչատրյանի համերգասրահում, տեղի ունեցավ համերգ՝ նվիրված Ցեղասպանության հանցագործությունը կանխարգելելու և պատժելու մասին ՄԱԿ-ի կոնվենցիայի ընդունման 70-ամյակին և Ցեղասպանության զոհերի հիշատակի և արժանապատվության և այդ հանցագործության կանխարգելման միջազգային օրվան: Համերգը կազմակերպվել էր ՀՀ արտաքին գործերի նախարարության կողմից «Ընդդեմ ցեղասպանության հանցագործության» երրորդ գլոբալ ֆորումի շրջանակներում: Համերգի հովանավորն էր Հայկական բարեգործական ընդհանուր միությունը (ՀԲԸՄ): Համերգի ընթացքում հնչեց աշխարհահռչակ կոմպոզիտոր Անտոնին Դվորժակի «Ռեքվիեմ» ստեղծագործությունը՝ Հայաստանի ազգային ակադեմիական երգչախմբի և Հայաստանի ազգային ֆիլհարմոնիկ նվագախմբմի կատարմամբ: Ավելին՝ այստեղ:

CREATIVE ARMENIA-Ն ԵՎ ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹՅՈՒՆԸ ՀԱՅՏԱՐԱՐՈՒՄ ԵՆ ՆՈՐԱՐԱՐ ՏԱՂԱՆԴԱՎՈՐ ԱՐՎԵՍՏԱԳԵՏՆԵՐԻՆ ՕԺԱՆԴԱԿՈՂ ԾՐԱԳՐԻ ՄԵԿՆԱՐԿԸ

 

Creative Armenia-ն և Հայկական Բարեգործական Ընդհանուր Միությունը (ՀԲԸՄ) սիրով հայտարարում են «Creative Armenia - AGBU» Fellowship-երի մեկնարկը, որոնք կօգնեն բացահայտել ու աջակցել արվեստի տարբեր ոլորտներում գործող ստեղծարար տաղանդավոր արվեստագետներին, ինչպես նաեւ կնպաստեն նրանց առաջխաղացմանը։ Ֆինանսավորում, մենթորություն ու առաջխաղացման հատուկ ռազմավարություններ ներառող այս մեկամյա ծրագրի միջոցով Creative Armenia-ն և ՀԲԸՄ-ն հնարավորություն կընձեռեն նորարար արվեստագետներին հասնելու ինչպես տեղական, այնպես էլ համաշխարհային ստեղծագործական վերելքի։ Ավելին՝ այստեղ:

ՀԲԸՄ ՆԱԽԱԳԱՀ ՊԵՐՃ ՍԵԴՐԱԿՅԱՆԸ ՎԱՇԻՆԳՏՈՆՈՒՄ ՀԱՆԴԻՊԵԼ Է ԱՐՑԱԽԻ ՆԱԽԱԳԱՀԻՆ

 

Մարտի 15-ին Արցախի նախագահ Բակո Սահակյանը հանդիպեց Ամերիկայի հայ համայնքի ղեկավարների հետ՝ քննարկելու Արցախում պետականաշինության և երկրի կյանքում սփյուռքի դերակատարության հետ կապված հարցեր: Ներկաներին երախտագիտություն հայտնելուց հետո նա ՀԲԸՄ Նախագահ Պերճ Սեդրակյանին պարգևատրեց «Մեսրոպ Մաշտոց» շքանշանով՝ Հանրապետությանը ցուցաբերված աջակցության, նվիրումի և մատուցված ծառայություններում ունեցած առաջատար դերակատարության համար:
Ավելին՝ այստեղ:

ՀԲԸՄ-Ի ԱՋԱԿՑՈՒԹՅԱՄԲ ՀՀ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ ԱՇԽԱՏԱԿԱԶՄԻ ԱՆԳԼԵՐԵՆ ՎԵՐԱՊԱՏՐԱՍՏՈՒՄԸ ՆՊԱՍՏԵԼ Է ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆԸ

 

ՀՀ Մարդու իրավունքների պաշտպանի, ՀԲԸՄ-ի և Հայաստանի ամերիկյան համալսարանի միջև 2016 թվականի նոյեմբերին կնքված եռակողմ համաձայնագրով Պաշտպանի աշխատակազմի ավելի քան 40 աշխատակից մասնակցել է անգլերենի վերապատրաստման ինտենսիվ դասընթացների: Հայաստանի ամերիկյան համալսարանում Պաշտպանի աշխատակազմի աշխատակիցների համար կրթական ծրագրի շրջանակներում հատկապես ուշադրության է արժանացել անգլերենով պաշտոնական գրագրություն վարելու և բանավոր խոսքի հմտությունների զարգացումը:
Ավելին՝ այստեղ:

ՀԱՅԱՍՏԱՆՈՒՄ ԱՌԱՋԻՆ ԱՆԳԱՄ ԿՄԵԿՆԱՐԿԻ ՔՀԿ ԿԱՌԱՎԱՐՄԱՆ ՀԱՄԱԼՍԱՐԱՆԱԿԱՆ ԾՐԱԳԻՐ

 

Հայկական բարեգործական ընդհանուր միության և Հայաստանի ամերիկյան համալսարանի միջև ստորագրվեց համաձայնագիր, որով Հայաստանում առաջին անգամ կմեկնարկի ոչ առևտրային կազմակերպությունների կառավարման մասնագետների պատրաստման համալսարանական ծրագիր: Հայաստանում ՔՀԿ աշխատակիցների և այս ոլորտում մասնագիտական կրթություն ստանալ ցանկացողների համար նախատեսված դասընթացների կազմակերպումը Եվրամիության կողմից ֆինանսավորվող ՀԲԸՄ ՔՀ Կամուրջ ծրագրի կարևոր բաղադրիչներից է: Ավելին՝ այստեղ:

 
Դուք այստեղ եք՝ Home Արխիվ 2018 Տեսանյութեր

Շնորհակալություն բաժանորդագրվելու համար: