ՀԲԸ ՄԻՈՒԹՅԱՆ 111 ԱՄՅԱԿԻ ՏՈՆԱԿԱՏԱՐՈՒԹՅՈՒՆՆԵՐԻ ՇԱԲԱԹԸ ՍԿՍՎԵՑ «ԵՐԱԺՇՏԱԿԱՆ ՀԱՅԱՍՏԱՆԻ» ՇՐՋԱՆԱՎԱՐՏ ՋՈՆ ՀՈԴՅԱՆԻ «ՆԱՂԱՇ» ԱՆՍԱՄԲԼԻ ՀԱՄԵՐԳՈՎ

Մի շարք տոնական միջոցառումներ Հայաստանում նշանավորեցին ՀԲԸ Միության 111-ամյա հոբելյանը։ Ապրիլի 11-ին հայկական ժողովրդական տաղերի սքանչելի երաժշտության մի երեկո, որն իր մեջ զուգակցում էր ռոք և ջազային երաժշտության էներգետիկան և միջնադարյան հայ միստիկ տաղերգու և քահանա Մկրտիչ Նաղաշի սուրբ գրվածքները, ազդարարեց ՀԲԸ Միության մշակութային ներկայացումների շաբաթվա սկիզբը։ Ամերիկահայ երաժիշտ Ջոն Հոդյանի «Նաղաշ» անսամբլն իր անդրանիկ ելույթը Հայաստանում սկսեց «Պանդխտության երգերով»։ Ալբոմն իրենից ներկայացնում է Աստծո հետ մարդու հարաբերությունների շուրջ խոր մտորում բազմաթիվ տարիներ աքսորում ապրելու դատապարտված վանականի տեսանկյունից։

Ջոն Հոդյանը, ով ՀՄԸ Միության կատարողական արվեստների «Երաժշտական Հայաստան» ծրագրի մասնակից է (2015թ․), հավատում է, որ իսկական վարպետների միջոցով Հայաստանի հարուստ երաժշտական ավանդույթների բացահայտումը իրական ոգեշնչում է, որ թույլ է տալիս ըմբռնելու հայ հոգևոր երաժշտության խորքն ու հավիտենականությունը։

Սկսած 2012 թվականից, ծրագիրը հրավիրում է տարբեր երաժշտական ուղղությունների, մակարդակների ու ազգությունների պատկանող երաժիշտներին հավաքվել միասին ու բացահայտել հայկական երաժշտությունը՝ ժողովրդականից մինչև ժամանակակից, ժամերգություններից մինչև ջազ, դասականից՝ բլյուզ:

Ծրագրի մասնակիցները ստանում են եզակի հնարավորություն այցելելու մասնագիտացված դասախոսությունների, վարպետության անհատական դասընթացների, ինչպես նաև ծանոթություններ են հաստատում տարբեր բնագավառների ճանաչված մասնագետների հետ:

Հայ անվանի կոմպոզիտոր Տիգրան Մանսուրյանի խոսքերով՝ «Նաղաշ« անսամբլը ներդաշնակեցնում է հնագույն Հայաստանի երաժշտությունը՝ այն վերահայտնագործելով 21 դարի համար: Երեք փայլուն կին վոկալիստներ ու Հայաստանի մի խումբ լավագույն երաժիշտ-կատարողներ տարբեր նվագարաններով՝ դուդուկ, ուդ, դհոլ ու դաշնամուր, հավաքվել էին միասին նվագելու խորհրդավոր, սակայն մատչելի երաժշտություն, որում, Ազգային հանրային ռադիոյի նկարագրությամբ, արևելքը հանդիպում է արևմուտքին, իսկ հնագույնը՝ ժամանակակցին։

ՀԲԸՄ-ն շարունակում է հայ մշակութային ժառանգությունը բարձր պահելու իր առաքելությունը՝ կապեր հաստատելով արվեստի ու երաժշտության տարբեր ուղղությունները ներկայացնող հայ երիտասարդ արվեստագետների միջև, կրթական ու կատարողական հնարավորություններ ստեղծելով տաղանդավոր արվեստագետների համար և միջազգային հանրությանը հաղորդակից դարձնելով լավագույն տաղանդավոր հայ կատարողների արվեստին։

 

 
Դուք այստեղ եք՝ Home Արխիվ 2017 Նորություններ ՀԲԸ ՄԻՈՒԹՅԱՆ 111 ԱՄՅԱԿԻ ՏՈՆԱԿԱՏԱՐՈՒԹՅՈՒՆՆԵՐԻ ՇԱԲԱԹԸ ՍԿՍՎԵՑ «ԵՐԱԺՇՏԱԿԱՆ ՀԱՅԱՍՏԱՆԻ» ՇՐՋԱՆԱՎԱՐՏ ՋՈՆ ՀՈԴՅԱՆԻ «ՆԱՂԱՇ» ԱՆՍԱՄԲԼԻ ՀԱՄԵՐԳՈՎ

Շնորհակալություն բաժանորդագրվելու համար: