ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹՅՈՒՆԸ ՍԻՐԻԱՀԱՅԵՐԻ ԱՋԱԿՑՈՒԹՅԱՆ ԾՐԱԳՐԻ ՇՐՋԱՆԱԿՆԵՐՈՒՄ ՀԲԸՄ ՎԱՀԵ ԿԱՐԱՊԵՏՅԱՆ ԿԵՆՏՐՈՆՈՒՄ ԲԱՑԵՑ ՄԻ ՆՈՐ «ԲԺՇԿԱԿԱՆ ՍՊԱՍԱՐԿՄԱՆ ԿԵՆՏՐՈՆ» ՍԻՐԻԱՀԱՅԵՐԻ ՀԱՄԱՐ (ՏԵՍԱՆՅՈՒԹ)

Սիրիահայերը կստանան անվճար բժշկական խորհրդատվություն

2016թ. -ի դեկտեմբերի 5-ին, Հայկական բարեգործական ընդհանուր միությունը ՀԲԸՄ Վահե Կարապետյան կենտրոնում բացեց «Քլոտիա Նազարեան» բժշկական սպասարկման կենտրոնը: Այս նոր բուժսպասարկման կենտրոնը ՀԲԸՄ «Աջակցություն սիրիահայերին» ծրագրի մասն է, որի շրջանակներում սիրիահայերը կստանան անվճար բժշկական խորհրդատվություն: Կենտրոնում կմատուցվեն գինեկոլոգիական, սրտաբանական, ակնաբուժական և մանկաբուժական ծառայութուններ՝ համալրելով ՀԲԸՄ-ի մարդասիրական առաքելությունը:

Բժշկական կենտրոնի պաշտոնական բացմանը ներկա էին ՀՀ սփյուռքի նախարար Հրանուշ Հակոբյանը, ՀԲԸՄ նախագահ Պերճ Սեդրակյանը, ՀԲԸՄ Հայաստանի նախագահ և ՀԲԸՄ կենտրոնական վարչության անդամ Վազգեն Յակուբյանը, հասարակական կազմակերպությունների ներկայացուցիչներ, պաշտոնատար այլ անձինք և հյուրեր: Արարողության ընթացքում թվով յոթ սիրիահայ բժիշկներ արժանացան ՀՀ սփյուռքի նախարարության ու ՀԲԸՄ-ի կողմից շնորհակալագրերի և հուշանվերների՝ ՀԲԸՄ Սիրիահայերի բժշկական ծառայությունների կենտրոնում կատարած կամավոր ու արդյունավետ աշխատանքի համար: «Սիրիահայերի հիմնախնդիրները համակարգող կենտրոն» ՀԿ-ի տնօրեն Լենա Հալաջյանը և Արուշ Եսայանը եւս (delete) արժանացան ՀԲԸՄ-ի կողմից տրված հուշանվերների՝ առ ի գնահատանք միության կառույցներում իրենց երկարամյա ու նվիրյալ գործունեության:

Սիրիայում քաղաքացիական պատերազմի առաջին իսկ օրերից մեծ է եղել ՀԲԸՄ-ի ներդրումը սիրիահայերի աջակցության գործում: Միությունն իր դռներն է բացել բոլոր սիրիահայ ընտանիքների առջև՝ ցուցաբերելով անհատական մոտեցում յուրաքանչյուրին: Պատերազմի հետևանքով Հայաստան տեղափոխված ընտանիքների կեցության խնդիրները հոգալու համար ՀՀ սփյուռքի նախարարությունը ՀԲԸՄ-ի հետ համատեղ հիմնեցին «Սիրիահայերի հիմնախնդիրները համակարգող կենտրոն» ՀԿ-ն:

ՀԲԸՄ-ի և ՀՀ սփյուռքի նախարարության համատեղ ուժերով ստեղծված «Սիրիահայերի հիմնախնդիրները համակարգող կենտրոն» ՀԿ-ն, գործելով միևնույն կենտրոնում, նորաբաց «Քլոտիա Նազարեան» բժշկական սպասարկման կենտրոնի հետ, իր ստեղծման առաջին իսկ օրվանից Հայաստանում բնակվող սիրիահայ ընտանիքներին տրամադրել է մարդասիրական օգնություն՝ բժշկական, բնակարանային, ֆինանսական և կրթական ծրագրերի շրջանակներում:

ՀՀ կառավարության և «Գալուստ Գյուլբենկյան հիմնարկության հետ համատեղ ՀԲԸՄ-ն իրականացնում է հայաստանյան բուհերում սովորող սիրիահայ ուսանողների ուսման վարձավճարների փոխհատուցման ծրագիր, որը մեկնարկել էր 2013 թ.: 2016-2017 ուսումնական տարվա համար ՀԲԸՄ-ն ավելացրեց իր ներդրումն այս ծրագրին՝ գումարը հասցնելով 180.000 ԱՄՆ դոլլարի: Այս տարի Հայաստանում սովորող 437 սիրիահայ ուսանողներ օգտվելու են ծրագրից: Այս ներդրումը հնարավորություն է ընձեռում պատերազմի հետևանքով ծանր կացության մեջ հայտնված և Հայաստան տեղափոխված սիրիահայ ուսանողներին շարունակել իրենց կրթությունը հայաստանյան բուհերում:

Սիրիահայերի աջակցության ծրագրի շրջանակներում «Չերչյան ընտանիք» հիմնադրամի հետ համատեղ ՀԲԸՄ-ն տրակտորներ, գյուղատնտեսական պարագաներ, վառելիք և սերմեր է նվիրաբերել հողագործությամբ զբաղվող սիրիահայ ընտանիքներին:

 

ՏԵՍԱՆՅՈՒԹ

 

 

end faq