«ՀԱՅԱՍՏԱՆ. ԿՅԱՆՔԻ ԵՐԿԻՐ»

 

 

 

 

Ազգությամբ ֆրանսիացի Սիմոն Լոնդրեն արդեն երրորդ անգամ է մասնակցում ՀԲԸՄ Ֆրանսիայի երիտասարդական խմբի «Հայաստան, կյանքի երկիր» նախաձեռնությանը: Արդեն երրորդ ամառն է նախընտրում անցկացնել այստեղ ու օգնել իրականացնել մի շարք կամավորական ծրագրեր: Այս անգամ մասնակցում էր որպես ծրագրի վետերան և հենց նրան էր վստահված ղեկավարել այս տարվա «Հայաստան, կյանքի երկիր»-ը: Սիմոնին հանդիպեցինք ՀԲԸՄ Հայաստանի գրասենյակում: Մեր «bonjour»-ին ի պատասխան հնչեց նրա «բարև»-ը` մաքուր հայերենով: Մի փոքր հոգնած էր, բայց և շատ գոհ: Գրասենյակ էր եկել ուղիղ շինհրապարակից: Հայաստան կատարած երրորդ այցելությունը շրջադարձային էր Սիմոնի համար: Ֆրանսիացի կաթոլիկ հոր և հրեա մոր որդին որոշել էր մկրտվել հայկական եկեղեցում:

«Այստեղ` Հայաստանում, գտա հոգևոր այն մթնոլորտը, որն ըստ իս հավատքը պետք է ունենա: Նման բան երբեք չեմ տեսել Ֆրանսիայում: Եկեղեցին պարզապես աղոթա-վայր չէ հայերի համար», - ասում է Սիմոնը: Մկրտության սուրբ արարողությունը կատարվել էր մեկ օր առաջ Գեղարդի վանքում: Սիմոնը մկրտվել էր ու ստացել Ազատ անունը: Ինչպես ինքն էր ասում, հիմա էլ ավելի ազատ էր զգում իրեն: Հրաժեշտ տալիս էլ, նույնքան մաքուր ու առանց դժվարության բոլորիս հայերենով մաղթեց «Հաջողություն»:

ՀԲԸՄ Ֆրանսիայի երիտասարդական խումբը երկու տարին մեկ իրականացնում է «Հայաստան, կյանքի երկիր» ծրագիրը: Առաջին երկու ծրագրերը կայացան 2011 և 2013թթ., որոնց ընթացքում Հայաստանում և ԼՂՀ-ի տարբեր շրջաններում երիտասարդներն իրականացրին մի շարք կամավոր շինարարական, բնապահպանական, առողջապահական և կրթական ծրագրեր` ներառյալ Արցախում Բերձորի 2-հարկանի երիտասարդական տան վերանորոգումը, Երևանում Մալաթիայի հայորդյաց տան մասնակի վերանորոգումը, ջրամատակարարման ու ջեռուցման խնդիրների լուծումը և այլն: Խումբը մեկ տարի շարունակ ակտիվ ծրագրում ու դրամահավաքներ է կազմակերպում տարբեր բարեգործական երեկոների միջոցով և հավաքագրված գումարը ծախսում Հայաստանում մի քանի ծրագրերի իրականացման վրա:
Հոդվածն ամբողջությամբ ընթերցելու համար, սեղմե՛ք այստեղ:

ՀԲԸՄ ԲԱՑԱՀԱՅՏԻՐ ՀԱՅԱՍՏԱՆԸ ԾՐԱԳՐԻ 12-ՐԴ ՇՐՋԱՆԸ ՀԱՅԱՍՏԱՆ Է ԲԵՐՈՒՄ 50 ՄԱՍՆԱԿՑԻ 8 ԵՐԿՐՆԵՐԻՑ

 

 

 

Հայաստանն իր բոլոր կողմերով, առօրյայով ու անցուդարձով բացահայտելու ու ճանաչելու լավագույն տարբերակը թերևս մասնակցությունն է ՀԲԸ Միության ամառային տարբեր երիտասարդական ծրագրերին, որոնցից մեկը հենց այդպես էլ կոչվում է` «Բացահայտի՛ր Հայաստանը»: Այս տարի, «Բացահայտի՛ր Հայաստանը» ծրագրի 12-րդ շրջանը Հայաստան էր բերել 50 մասնակցի աշխարհի 7 երկրներից` ԱՄՆ, Ֆրանսիա, Միացյալ Թագավորություն, Լիբանան, Կանադա, Դոմինիկյան Հանրապետություն, Թուրքիա: Ծրագրի շրջանակներում երիտասարդները 3 շաբաթ անցկացրին Հայաստանում` հյուրընկալվելով մեկ հարկի տակ` նորաբաց ՀԲԸՄ Վահե Կարապետյան կենտրոնում, այցելելով տարբեր տեսարժան վայրեր, մասնակցելով հայկական երգի ու պարի, ինչպես նաև կավագործության դասընթացների:

Ծրագիրը նախատեսված է 15-18 տարեկան երիտասարդների համար: Երեքշաբաթյա ծրագրի կարևոր բաղադրիչներից է կամավոր համայնքային աշխատանքը: «Բացահայտի՛ր Հայաստանը» երկար տարիներ համագործակցում է Fuller Armenia ընկերության հետ` օգնելով կացարանի խնդիր ունեցող անապահով ընտանիքներին: Այս տարի ՀԲԸՄ-ականներն օգնեցին Խոր Վիրապ գյուղում ապրող Հայրապետյաններին: Ընտանիքը 20 տարի սեփական 4 պատի մասին էր երազում:

14-ամյա Իսահակ Քարադանյանի արարքն էլ դեռ երկար կհիշեն բոլոր ներկաները: Հայրապետյանների տան շինարարական աշխատանքների ընթացքում Իսահակը մոտենում է ծրագրի ղեկավար Հերմինե Դուզյանին ու խնդրում կատարել իր ցանկությունը: Ծնողները Իսահակին գրպանի գումար էին տվել, վերջինս էլ որոշել էր այդ գումարը տալ Հայրապետյաններին: Ուզում էր օգտակար լինել:

Ամբողջական հոդվածն ընթերցելու համար, սեղմե՛ք այստեղ:

«ԵՍ ՍԻՐԵՑԻ ԻՄ ՀԱՅՐԵՆԻՔԸ ԵՎ ՊԱՏՐԱՍՏՎՈՒՄ ԵՄ ՎԵՐԱԴԱՌՆԱԼ»

 

 

 

 

 

 

ՀԲԸՄ սկաուտական համազգեստն այս տարի առանձնանում էր նախորդներից. կարևոր հավելում ուներ` անմոռուկը: Այն կրելը ցանկալի էր, բայց ոչ պարտադիր: Եվ չնայած այն փաստին, որ «Անդրանիկ» ամենամյա սկաուտական բանակումի մասնակիցները Հայաստան էին ժամանել տարբեր երկրներից, նրանք բոլորը մեկ մարդու նման իրենց պարտք էին համարել կրել այն:

Ութերորդ անգամ Լոռու մարզը հյուրընկալեց ՀԲԸ Միության աշխարհասփյուռ սկաուտներին: Ավելի քան 150 պատանիներ ու աղջիկներ ԱՄՆ-ից, Լիբանանից, Վրաստանից, ԱՄԷ-ից, Սիրիայից ու Հայաստանից կրկին անգամ հավաքվեցին իրենց սիրելի բանակավայրում:

Արդեն ավանդաբար, բացման արարողությանն իր օրհնության խոսքն ասաց Գուգարաց թեմի առաջնորդ Սեպուհ արք. Չուլջյանը. «Երանելի եք դուք, որ հայրենիքը տեսնում եք ձեր աչքերով: Սա հայրենաճանաչության լավագույն ուղին է: Հայրենաճանաչությունը ոչ միայն պատմության դասագրքերից պետք է քաղենք, այլ ռեալ, իրական կյանքով, ապրված կյանքով, քայլելով մայր հայրենիքի հողի վրա, գյուղերով ու քաղաքներով, ըմբոշխնելով մշակույթը, ճանաչելով ժողովրդին: Կօրհնեմ ձեզ ամենքիդ և կմաղթեմ բարի բանակում»:

Սկաուտներին ողջունեցին նաև ՀԲԸՄ «Անդրանիկ» սկաուտական բանակումի ընդհանուր պատասխանատու Գևորգ Սանթուրյանը և ՀԲԸՄ Հայաստանի տնօրենի պաշտոնակատար Հովիկ Եորդեկյանը:

«Մտերմությունը, որ ստեղծվում է այս օրերի ընթացքում տարբեր երկրներից ժամանած մեր հայրենակիցների միջև հայրենի հողի վրա ամենակարևորն է ու ամենաարդյունավետը: Մեր աշխատանքի ու նվիրվածության յուրաքանչյուր վայրկյանը հատուցվում է, երբ այս երիտասարդներն արտաբերում են 1-2 կարևոր նախադասություն. ես սիրեցի իմ հայրենիքը, ես պատրաստվում եմ կրկին վերադառնալ Հայաստան», - ասում է Գևորգ Սանթուրյանը:

Տարվա խորհուրդը հաշվի առնելով այս անգամ կազմակերպվել էր հանդիպումների ու քննարկումների շարք` նվիրված Հայոց Ցեղասպանության 100-ամյակին ու հետագա անելիքներին: Աշխարհի տարբեր ծայրերից հայրենիքում ամառն անցկացնող երիտասարդները միակարծիք են` Ցեղասպանության 101-րդ տարում զգացումը չի փոխվի, քանի արդարությունը չի վերականգնվել:

Ծրագրի շրջանակներում ճամբարականներն այցելեցին Էջմիածին, Գառնի, Գեղարդ, Սևան, Հաղպատ, Գոշավանք և Գոշի լիճ, Գյումրի, Ծիծեռնակաբերդ, Մատենադարան, Կոմիտասի թանգարան: Կազմակերպվեց նաև այցելություն ՀԲԸՄ-ի և Հայկական վիրտուալ համալսարանի Երևանյան գրասենյակներ, ինչպես նաև ՀԲԸՄ և Մայր Աթոռ Սբ. Էջմիածնի Նորքի հայորդյաց տուն:

Ամբողջական հոդվածն ընթերցելու համար, սեղմե՛ք այստեղ:

ՀԱՅՐԵՆԱՃԱՆԱՉՈՒԹՅԱՆ ԵՎ ՄԱՍՆԱԳԻՏԱԿԱՆ ՓՈՐՁԱՌՈՒԹՅԱՆ 6 ՇԱԲԱԹ

 

 

 

Կրկին անգամ, Հայկական Բարեգործական Ընդհանուր Միության (ՀԲԸՄ) ամառային փորձառության Երևանյան ծրագիրը, մեծ ու համերաշխ ընտանիքի պես, մեկ հարկի տակ հավաքեց սփյուռքահայ երիտասարդների հերթական խումբը: Թվով 9-րդ Երևանյան փորձառության ծրագիրն այս տարի հայրենիք էր բերել 16 երիտասարդների 4 երկրներից` ԱՄՆ, Ռուսաստան, Ֆրանսիա և Լիբանան: Վեց շաբաթ անցկացրին երիտասարդները Հայաստանում և Արցախում` աշխատելով հայրենի առաջատար կազմակերպություններում ու ընկերություններում, հարստացնելով իրենց գիտելիքներն ու փորձը և միևնույն ժամանակ իրենց գիտելիքները փոխանցելով հայաստանյան գործընկերներին, հաճախելով հայերեն լեզվի և հայկական ժողովրդական պարերի դասընթացների ու շրջելով Հայաստանի տեսարժան վայրերով: Ծրագրի մասնակիցներին այս տարի հյուրընկալել էին այնպիսի ընկերություններ, ինչպիսիք են Միացյալ ազգերի կազմակերպությունը (ՄԱԿ), ՀՀ Մարդու իրավունքների պաշտպանի գրասենյակը, Կանանց ռեսուրսների կենտրոնը, Մալայանի անվան ակնաբուժական կենտրոնը, «Արաբկիր» բժշկական կենտրոնը, Deem Communications ընկերությունը, Ջինիշյան հիմնադրամը, Մաշտոցի անվան Մատենադարանը, PicsArt, WiCastr, ICARE ընկերությունները, ImageMan ճարտարապետական գրասենյակը, Օրրան բարեգործական հիմնադրամը, Փարիզ հյուրանոցը:

Հոդվածն ամբողջությամբ ընթերցելու համար, սեղմեք այստեղ:

ՀԲԸՄ ԿԵՆՏՐՈՆԱԿԱՆ ՎԱՐՉԱԿԱՆ ԺՈՂՈՎԻ ԱՆԴԱՄ ՆՈՒԲԱՐ ԱՖԵՅԱՆԸ ՀՅՈՒՐԸՆԿԱԼՎԵՑ ՀԱՅԱՍՏԱՆԻ ԱՄԵՐԻԿՅԱՆ ՀԱՄԱԼՍԱՐԱՆՈՒՄ

 

Մայիսի 25-ին, Հայաստանի ամերիկյան համալսարանը հյուրընկալեց ամերիկահայ ձեռնարկատեր և նորարար, ՀԲԸՄ Կենտրոնական վարչական ժողովի անդամ Նուբար Աֆեյանին` «Ձեռնարկատիրական նորարարություններ. փոխակերպելով առողջապահությունն ու կայունությունը» դասախոսությամբ: Դր. Աֆեյանը խոսեց իր 25-ամյա ձեռնարկատիրական ու կառավարչական գործունեության, ստեղծարարության և ներդրումային ծրագրերի, ժամանակակից տեխնոլոգիաների, գիտության և առողջապահության նորարարությունների մասին: Ամբողջական հոդվածն ընթերցելու համար, սեղմե՛ք այստեղ:

 
Դուք այստեղ եք՝ Home Արխիվ 2015 Տեսանյութեր

Շնորհակալություն բաժանորդագրվելու համար: