#AGBUtalks -ի մասին

ՀԲԸՄ 88-րդ Ընդհանուր ժողովը տեղի կունենա Հայաստանում, 2015 թ-ի մարտի 27-ից ապրիլի 6-ը:
«ՀԲԸՄ Զրույցներ»-ը 88-րդ Ընդհանուր ժողովի կարևոր միջոցառումներից է: «ՀԲԸՄ Զրույցներ» -ի նպատակն է ստեղծել ընդհանուր քննարկման հարթակ, որը մասնակիցներին կոգեշնչի և կներգրավի ազգի զարգացման շուրջ գաղափարներ և ծրագրեր առաջարկելու ու դրանց իրագործման ուղիներ մշակելու գործում: «ՀԲԸՄ Զրույցներ»-ի ընթացքում ելույթ կունենան Հայաստանի և արտասահմանի խոշոր կրթական հաստատությունների, հիմնադրամների, պետական ու միջազգային կազմակերպությունների ներկայացուցիչներ:
«ՀԲԸՄ Զրույցներ-ի բազմաբովանդակ և ինտերակտիվ քննարկումներին կարող են միանալ ՀԲԸՄ 88-րդ ընդհանուր ժողովի մասնակիցներն ու հայաստանաբնակ հետաքրքրված ու շահագրգիռ անձինք: Խնդրում ենք նախապես գրանցվելու համար լրացնել դիմումի ձևը:
Բաց մի թողեք միմյանց և հայրենիքի հետ կապ հաստատելու հնարավորությունը:Գրանցման վերջնաժամկետն է 2015թ.-ի մարտ 30-ը:

#AGBUtalks -ի քննարկման թեմաներ

Օր 1.«Մարդկային ներուժը Հայաստանում և Սփյուռքում», «Այբ» դպրոց, 1 ապրիլի:
Օր 2.«Հայկական պետականության կերտման մարտահրավերները», Հայաստանի ամերիկյան համալսարան (ՀԱՀ), 2 ապրիլի:
Օր 3.«Հայության միջազգային դիրքերի ամրապնդում», «UWC Դիլիջան» միջազգային դպրոց, 3 ապրիլի:

Քննարկումներին կարող եք մասնակցել հինգ պարզ քայլով՝
1 Լրացրեք դիմումի ձևը
2 Ընտրեք #AGBUtalks-ի մեկ կամ ավելի քննարկումների թեմաներ
3 Ուղարկեք SMS հաղորդագրություն
4 Մուտքագրեք SMS ստուգիչ կոդը
5 Ուղարկեք Ձեր դիմումը

Խոսնակներ

Մարդկային ներուժը Հայաստանում և սփյուռքում
Օր 1 ապրիլի 1, ժ-ը 10:30-13:00, «Այբ» դպրոց
Ավտոբուսները մեկնում են «Արմենիա Մարիոթ» հյուրանոցային համալիրից՝ ժ-ը 9:00-ին

Խոսնակ Պաշտոն
Հայր Մեսպրոպ քհն. Արամյան«Այբ» կրթական հիմնադրամի հոգաբարձուների խորհրդի նախագահ
Սեմ ՍիմոնյանՀԲԸՄ փոխնախագահ, Սիմոնյան կրթական հիմնադրամի և Թումո ստեղծարար տեխնոլոգիաների կենտրոնի հիմնադիր
Արմեն Տեր ԿյուրեղյանՀԱՀ նախագահ
Արամ ՍալաթյանՀայաստանում «Նեյշնլ ինսթրումենթսի» գլխավոր տնօրեն
Եվա ՀյուսյանՀայաստանում Microsoft-ի ներկայացուցչության տնօրեն

Հայկական պետականության կերտման մարտահրավերները
Օր 2 ապրիլի 2, ժ-ը 15:00-18:00, ՀԱՀ

Խոսնակ Պաշտոն
Վիգեն ՍարգսյանՀՀ նախագահի աշխատակազմի ղեկավար
Տարոն ԱջեմողլուՄասաչուսեթսի Տեխնիկական Ինստիտուտի տնտեսագիտության պրոֆեսոր
Բագրատ եպս. ԳալստանյանՄայր Աթոռ Ս. Էջմիածնի հայեցակարգային գրասենյակի տնօրեն
Արմեն ՀարությունյանԿենտրոնական Ասիայում ՄԱԿ-ի Մարդու իրավունքների հանձնակատարի տարածաշրջանային գրասենյակի ղեկավար
Արփի ԲալյանՀԱՀ շարունակական կրթության ծրագրի տնօրեն

Հայության միջազգային դիրքերի ամրապնդումը
Օր 3 ապրիլի 3, ժ-ը 13:30-18:00, «UWC Դիլիջան» միջազգային դպրոց
Ավտոբուսները մեկնում են «Արմենիա Մարիոթ» հյուրանոցային համալիրից՝ ժ-ը 8:30-ին

Խոսնակ Պաշտոն
Ռուբեն Վարդանյան RVVZ հիմնադրամի համահիմնադիր և նախագահ
Վազգեն Գալայջյան GK Brand-ի գործադիր տնօրեն
Թիմոթի ՍթրայթՀՀ-ում Նորվեգիայի և Ֆինլանդիայի պատվավոր հյուպատոս
Վիկտորիա ԱսլանյանGolden Grape ArmAs ընկերության գլխավոր տնօրեն

Գրանցումն ավարտված է

Կապ

Հարցերի դեպքում զանգահարել 060-61-22-50 հեռախոսահամարով: Հետևեք մեր ֆեյսբուքի էջին՝ https://www.facebook.com/events/631462366980813/

«ՊԱՆԴԽՏՈՒԹՅԱՆ ԵՐԳԸ» ՑՈՒՑԱԴՐՈՒԹՅՈՒՆ

«Պանդխտության Երգը» հայկական ազգային երգերի երաժշտական ներկայացում է: Այն ոչ միայն աշխարհագրական արտագաղթի մասին է, այլև հեռանալու: Այն կարոտն է մշտապես կանչող կորուսյալ հայրենիքի հանդեպ։

Ներկայացման ներշնչանքը Հերիքնազ Գալստյանի «Հորովել» քանդակն է։ Ցուցասրահ-թատերաբեմ ներկայացումը միաձուլում և ջնջում է սահմանը տարածության, երաժիշտի և պարողի միջև։ Ներկայացման վերջում Հերիքանազ Գալստյանի ստեղծագործությունը կհանձնվի հանդիսատեսի դատին:

Կիրակի, հունիսի 17-ին, ժամը՝ 17:00 և 20:00
ՀԲԸՄ Հայաստանի ցուցասրահ (2/2 Մելիք-Ադամյան փ.)

Հյուրերին խնդրում ենք ներկայանալ յուրաքանչյուր ցուցադրությունից 15 րոպե առաջ:

Մուտքն ազատ է:

ԴԱՍԱԽՈՍՈՒԹՅՈՒՆ ՓԱԽՍՏԱԿԱՆՆԵՐԻ ԿՈՆՎԵՆՑԻԱՅԻ ԿԻՐԱՌՄԱՆ ՎԵՐԱԲԵՐՅԱԼ

Եվրամիության կողմից ֆինանսավորվող ՀԲԸՄ Հայաստանի «ՔՀ կամուրջ» ծրագրի շրջանակներում hայկական սփյուռքից մի շարք մասնագետներ են հրավիրվում Հայաստան՝ իրենց փորձն ու գիտելիքը կիսելու տեղի ՔՀԿ-ների հետ: Այս անգամ կհյուրընկալենք Թենի Շահեանին փախստականների կոնվենցիայի կիրառման վերաբերյալ:

Ուրբաթ, հունիսի 15-ին, ժամը16:00-18:00-ն
ՀԲԸՄ Հայաստանի դահլիճ (2/2 Մելիք-Ադամյան փ.)

Գրանցվե՛ք այստեղ միջոցառմանը մասնակցելու համար:

ՖՐԱՆՍԻԱԿԱՆ ԴԱՍԱԿԱՆ ԿԻՆՈ

Հայաստանում ֆրանկոֆոնիայի տարվա շրջանակներում, ՀԲԸՄ Հայաստանը, Հայկական Ալիանս Ֆրանսեզի, Institut français-ի և AFG Film Club-ի հետ համատեղ, շարունակում է Ֆրանսիական դասական ֆիլմերի ցուցաշարը:

ՖՐԱՆՍԻԱԿԱՆ ԿԱՆԿԱՆ

(Ֆրանսիա, 1955թ., 102 րոպե)
Ռեժիսոր՝ Ժան Ռենուար
Դերերում՝ Ժան Գաբեն, Ֆրանսուազ Առնուլ, Միշել Պիկոլի, Էդիտ Պիաֆ

Ֆիլմը կցուցադրվի օրիգինալ լեզվով և անգլերեն ենթագրերով:

Հինգշաբթի, հունիսի 14-ին, ժ. 19:00
ՀԲԸՄ Հայաստանի դահլիճ (Մելիք-Ադամյան 2/2)

Մուտքն ազատ է:

«LA STRUCTURE EST POURRIE, CAMARADE» ՀԱՆԴԻՊՈՒՄ-ՔՆՆԱՐԿՈՒՄ

Հայկական բարեգործական ընդհանուր միությունը սիրով հրավիրում է բոլորին մասնակցելու "La Structure"-ի հեղինակ Վիգեն Բերբերյանի հետ հանդիպում-քննարկմանը՝ ծանոթանալու գրաֆիկ նովելի ստեղծման պատմությանն ու մշակութային քննադատությանը:

Բանախոսներ՝
Վիգեն Բերբերյան - հեղինակ
Կարինե Թորոսյան - կինոռեժիսոր
Աննա Գարգարյան - համադրող
Հանդիպումը կվարի Ռուբինա Մարկոսյանը

Ներկաները կարող են տեղում ձեռք բերել գիրքը՝ հեղինակի ստորագրությամբ:

Միջոցառման լեզուն՝ անգլերեն:

Հինգշաբթի՝ հունիսի 14-ին, ժամը 19:00
ՀԲԸՄ Հայաստանի ցուցասրահ (Մելիք-Ադամյան 2/2)

Մուտքն ազատ է:

«LA STRUCTURE EST POURRIE, CAMARADE» ՑՈՒՑԱԴՐՈՒԹՅՈՒՆ

ՀԲԸՄ ցուցասրահը հրավիրում է ձեզ «La Structure est Pourrie, Camarade» (Կառույցը փտած է, ընկեր) ցուցադրությանը: Ցուցադրությունն անդրադառնում է Վիգեն Բերբերյանի հեղինակությամբ և Յանն Կեբբիի նկարազարդմամբ վերջերս հրատարակված պատկերազարդ վեպի ընթացքին, պատմությանն ու սիմվոլիզմին: Պայթուցիկ գույների, արտասովոր գրաֆիկական ձևավորման և ողբերգական հումորի համար վեպը քննադատների հավանությանն է արժանացել ֆրանսիական մամուլում. Le Monde, Beaux Arts, and France Culture, ինչպես նաև հունիսին դրան նվիրված հատուկ միջոցառում է կազմակերպվել Փարիզի Centre Pompidou կենտրոնում:

Տեղեկացե՛ք, թե Վիգենն ու Յաննը ինչպես են հինգ տարվա ընթացքում ստեղծել այս վեպը՝ Երևանից մինչև Փարիզ, Մոնրեալ և Մոսկվա: Ցուցահանդեսի ժամանակ կներկայացվեն կուլիսային տեղեկություններ, հատվածներ վեպից, ինչպես նաև կարճամետրաժ ֆիլմ՝ նկարահանված Կարինե Թորոսյանի կողմից:

Բացման արարողությունը տեղի կունենա՝

Հինգշաբթի՝ մայիսի 31-ին, 18:00-ին
ՀԲԸՄ ցուցասրահում (2/2 Մելիք-Ադամյան փ.)

Ցուցահանդեսը կշարունակվի մինչև հունիսի 15-ը:

Մուտքն ազատ է:

 
Դուք այստեղ եք՝ Home General Assembly Content

Շնորհակալություն բաժանորդագրվելու համար: